ހއ. ހޯރަފުށީގެ މަގުތައް ޒަމާނީ ފެންވަރަކަށް ހެދުމުގެ މަޝްރޫއު މިއަދު ރަސްމީކޮށް އިފްތިތާހު ކޮށްފިއެވެ.
އެ މަޝްރޫއު އިފްތިތާހު ކޮށްދެއްވީ ނައިބު ރައީސް ފައިސަލް ނަސީމެވެ. ނައިބު ރައީސްގެ އިތުރުން، ހޯރަފުށީ ކައުންސިލްގެ ރައީސް މުހައްމަދު ވަހީދާއި، ހޯރަފުށި ދާއިރާގެ މެމްބަރު އަހުމަދު ސަލީމާއި، ޓްރާންސްޕޯޓް މިނިސްޓަރު އައިޝަތު ނަހުލާ ބައިވެރިވެވަޑައިގަތެވެ.
ހޯރަފުށީގެ މަގު ހެދުމުގެ މަޝްރޫއު އިފްތިތާހު ކޮށްދެއްވުމަށް ފަހު ނައިބު ރައީސް ވިދާޅުވީ، ސަރުކާރުން އަބަދުވެސް އިސްކަން ދޭނީ ރައްޔިތުންގެ ހަމަޖެހުމާއި ކުރިއެރުމަށް މަސައްކަތްތައް ކުރުން މަތީގައި ކަމަށާއި، ކުޑަ އާބާދީއެއް ބޮޑު އާބާދީއެއް ތަފާތު ނުކުރާނެ ކަމަށެވެ.
ޕްލޭނިން މިނިސްޓްރީން އެމްޓީސީސީއާ ހަވާލުކޮށްގެން ކުރިއަށް ގެންދާ އެ މަޝްރޫއުގެ ދަށުން ހޯރަފުށީގެ 11 މަގެއް ތާރު އަޅައިގެން ހެދުމަށް ވަނީ ހަމަޖެހިފައެވެ. އެގޮތުން 5،303 މީޓަރުގެ މަގުގައި ތާރު އަޅާއިރު، 25،909 އަކަ މީޓަރުގެ ސަރަހައްދެއްގައި ސަބްބޭސް ތައްޔާރުކޮށް އޭބީސީ ފަށަލަ އަޅައި، 11،113.80 އަކަ މީޓަރުގެ ސަރަހައްދެއްގައި ފުޓްޕާތެއް ހަދާނެއެވެ.
އަދި އެ މަގުތަކުގައި ފެން ހިންދާ ނިޒާމެއްވެސް ގާއިމްކޮށް، މަގުމަތީ ނިޝާންތަކާއި ސްޕީޑްބްރޭކަރާއި މަގުބައްތި ހަރުކުރުން ފަދަ މަސައްކަތްތައްވެސް މި މަޝްރޫއުގެ ދަށުން ކުރާނެއެވެ.
އެއް އަހަރާ ފަސް މަހުގެ ތެރޭ މި މަޝްރޫއު ނިންމާ ގޮތަށް ސަރުކާރުން އެމްޓީސީސީއާ މި މަޝްރޫއު ހަވާލުކުރީ 71.90 މިލިއަން ރުފިޔާއަށެވެ.
މިސަރުކާރުގެ ނައިބް ރައީސް ވެސް އެއީ ރަނޑެކޭ ދެން ރައީސް ވެސް އެހާ ރަނޑޭ ވާހަކަ ދައްކާ އިރު ވެސް ހީވަނީ ރަނޑުން ހެންނޭ އެހެންވެއޭ ތަމެންގެ ވެރިކަން އެއީ މިރާއްޖެ ދުށް އެންމެ ވައްކަން ބޮޑު ރަނޑުވެރިކަމަށް ބަދަލުވެފައި ވަނީ ތަމެންނަށް މިރާއްޖެ ތަރައްގީ ކުރަން ކުރެވުނު ކަމެއް ނެތޭ ދެން އޮށްވަޅު ގޮނޑި ކުޅުން ފަދަ ކޫސަނި ކަން ކޮށްފައި އެއީ ޕްރޮޖެކްޓޭ ބުނާއިރު އެއީ ހައްޕުނޑު ނޫންތޭ ތަމެންނަށް މާލެ ސަރަހައްދުގައި އެޅޭނެ ބްރިޖެއް ނުހުންނާނެއޭ ކައްޕަޅި އިންޑިއާ ގޮވައިގެން