ރޯޑް ޑިވެލޮޕްމަންޓް ކޯޕަރޭޝަން (އާރްޑީސީ)ގެ ސައިޓެއް ތެރޭގައި މާރާމާރީއެއް ހިންގައިފިއެވެ.
ފުލުހުންގެ ބުނީ އާރްޑީސީގައި މަސައްކަތްކުރާ މުވައްޒަފެެއްގެ ގައިގައި ޖަހާ މާރާމާރީ ހިންގި ކަމުގެ މައުލޫމާތު މިއަދު ހެނދުނު 10:07 ހާއިރު ލިބިފައިވާ ކަމަށާއި މި މަރާމާރީގައި މީހަކަށް އަނިޔާވެ، ހޮސްޕިޓަލުގައި ފަރުވާދީފައިވާ ކަމަށެވެ.
ފުލުހުން އިތުރަށް ބުނީ މި މައްސަލައާ ގުޅިގެން 33 އަހަރުގެ ފިރިހެނަކު ހައްޔަރުކޮށްފައި ވާ ކަމަށާއި މި މައްސަލަ އިތުރަށް ދަނީ ތަހުގީގުކުރަމުން ކަމަށެވެ.
މިކަމާ ގުޅިގެން "ދަ ޕްރެސް" އަށް މައުލޫމާތުދެމުން އާރްޑީސީއިން ބުނީ މާރާމާރީ ހިނގާފައިވަނީ އާރްޑީސީ ތެރޭގައި ޖެހުނު މައްސަލައެއްގައި ނޫން ކަމަށާއި އެހެންނަމަވެސް ޖެހުނު މައްސަލަ އަދި ސާފުނުވާ ކަމަށެވެ. އަދި މި މާރާމާރީ ހިނގާފައިވަނީ އާރްޑީސީގެ ސައިޓެއް ތެރޭގައި ކަމަށްވެސް އާރްޑީސީއިން ވަނީ ބުނެފައެވެ.
މައުލޫމާތު ލިބިފައިވާ ގޮތުން ހަމަލާދީފައިވަނީ ދަނގަޑު ބުރިއަކުންނެވެ.
