ހުޅުމާލޭގައި ބިދޭސީން ދިރިއުޅޭ ތަނަކަށް ވަން ބިދޭސީއަކަށް އަނިޔާކޮށް މާރާމާރީ ހިންގައިފިއެވެ.
ފުލުހުން މިއަދު ބުނީ ހުޅުމާލޭގައި ބިދޭސީން ދިރިއުޅޭ ތަނަކަށް ވަން ބިދޭސީއެއްގެ ގައިގައި ތަޅައި، މާރާމާރީއެއް ހިންގާފައިވާ ކަމުގެ ރިޕޯޓެއް ރޭ 1:35 ހާއިރު ފުލުހުންނަށް ލިބިފައިވާ ކަމަށެވެ. އަދި އެ މައްސަލަ ބަލާ ތަހުގީގުކުރަމުން އަންނަ ކަމަށްވެސް ފުލުހުން ބުނެއެވެ.
އެހެން ނަމަވެސް އެކަމާ ގުޅޭ އިތުރު އެއްވެސް ތަފްސީލެއް ފުލުހުން އަދި ނުދެއެވެ.
ސޯސަލް މީޑިއާގައި އާންމުވެފައިވާ ވީޑިއޯ އަކުން ފެންނަނީ ގްރޫޕަކުން ބިދޭސީ މީހާގެ ގައިގައި ތަޅައި އަނިޔާ ކުރަމުންދާ މަންޒަރެވެ. އަދި އެމީހާގެ ގަމީސް އިރާލައި ބިން މައްޗަށް ވައްޓާލައި ކޮޅުފައިން ވެސް ބަޔަކު ތަޅާ މަންޒަރު ވީޑިއޯ އިން ފެނެއެވެ.
ރާއްޖޭގައި ގިނަ އަދަދެއްގެ ބިދޭސީން ދިރިއުޅޭ އިރު ގާނޫނުތަކާއި ގަވާއިދުތަކާ ބިދޭސީން ހިލާފުވުމުގެ މައްސަލަތައް އަންނަނީ ދުވަހުން ދުވަހަށް އިތުރު ވަމުންނެވެ. އަދި މިފަދަ މައްސަލަތަކަށް އެކަށީގެންވާ ހައްލެއް ނުހޯދި ކަމާބެހޭ އިދާރާތަށް ވަނީ ފެެއިލްވެފައެވެ.
