ހަތިމަށްވެސް ކުޅު ޖެހި މައްސަލައިގައި ހައްޔަރު ކުރި ހަސަން ޒިޔާދުގެ ބަންދަށް 10 ދުވަސް ކްރިމިނަލް ކޯޓުން ޖަހައިފިއެވެ.
މިދިޔަ އާދިއްތަ ދުވަހު ޒިޔާދު ހައްޔަރުކޮށްފައި ވަނީ މާލޭގެ މަސްޖިދުލް އިބްރާހީމްއަށް އަރާ ހަތިމަކަށް ކުޅުޖަހި މައްސަލައިގައެވެ.
މީގެކުރިން މިދިޔަ މަހުގެ 4 ވަނަ ދުވަހު ޒިޔާދު ހައްޔަރުކޮށްފައިވަނީ ހުކުރު މިސްކިތާއި އިސްލާމީ މަރުކަޒުގައި މީހުން ނަމާދަށް ތިއްބައި ވަދެ އެތަންތަނަށް ކުޑަކަމުގޮސް އަދި ރައީސް އޮފީހުގެ ގޭޓް ކުރިމައްޗަށް ވެސް ކުޑަކަމުދިޔަ މައްސަލައިގައެވެ.
އެ މައްސަލައިގައި މިިދިޔަ މަހުގެ 13 ވަނަ ދުވަހު ކުރިމިނަލް ކޯޓުގައި ބޭއްވި އަޑުއެހުމުގައި ޒިޔާދުގެ ބަންދަށް 10 ދުވަސް ޖެހިއެވެ. ނަމަވެސް އެ މައްސަލައިގެ ތަހުގީގު ނިމުމާއެކު މިދިޔަ މަހުގެ 25 ގައި އޭނާ ވަނީ ދޫކޮށްލައިފައެވެ.
ފުލުހުން މީގެ ކުރިން ބުނީ މިހާތަނަށް ބެލިބެލުމުން އެމީހާ އަކީ ނުކުޅެދުންތެރިކަން ހުންނަ މީހެއް ކަން އެނގިފައިވާ ކަމަށެވެ. އެހެންނަމަވެސް މިއަދު ޖެންޑާ މިނިސްޓްރީން ވަނީ ޒިޔާދުގެ ނަފްސާނީ މައްސަލައެއް ހުރި ކަމަށް ފާހަގަ ނުވާކަމަށް ބުނެފައެވެ. އަދި އޭނާގެ މައްސަލަ ފުލުހުންނާއި އެންޑީއޭއަށް ފޮނުވައިފައިވާ ކަމަށް އެ މިނިސްޓްރީން ބުންޏެވެ.
މިނުބައި ނުލަފާ ކަލޭގެ ހިންގި ޢަމަލު ސިޔާސީ ޕާޓީތަކުންނާ، ދީނީ ޢިލްމުވެރިން ކުށްވެރި ނުކުރާތީ މިފަރާތްތައް ވަރަށް، ވަރަށް ބޮޑަށް ކުށްވެރި ކުރަން