އަނަންތަރާ ދިގު މޯލްޑިވްސް ރިސޯޓުގައި މަރުވެފައި އޮތް ފަތުރުވެރިއަކު ފެނިއްޖެއެވެ.
ފުލުހުން ބުނީ މަރުވެފައި އޮއްވާ ފެނިފައިވަނީ 35 އަހަރުގެ ކޮރެއާ ފިރިހެނެއް ކަމަށެވެ.
އެމީހާ މަރުވެފައި އޮއްވާ ފެނިފައިވަނީ އެ ރިސޯޓުގެ ބީޗު ސަރަހައްދުގައި ކަމަށް ފުލުހުން ބުނެއެވެ.
ފުލުހުން ބުނީ އެމީހާ މަރުވެފަ އޮއްވާ ފެނިގެން ފުލުހުންނަށް ރިޕޯޓުކޮށްފައި ވަނީ އިއްޔެ މެންދުރު 01:00 ހާއިރު ކަމަށެވެ.
އެކަމާ ގުޅިގެން ބަލަން ޖެހޭ ކަންކަން ބަލަމުންދާ ކަމަށް ފުލުހުން ވަނީ ބުނެފައެވެ.
އަނަންތަރާ ރިސޯޓުގައި މަރުވެފައި އޮއްވާ މީހަކު ފެނިފައިވާއިރު މިމަހު 16 ވަނަ ދުވަހު ހުވަދޫ އުތުރުގައި އޮންނަ ރެފްލްސް މޯލްޑިވްސް މެރަދޫ ރިސޯޓުގައި މަސައްކަތް ކުރާ 34 އަހަރުގެ ބިދޭސީ ފިރިހެނަކު ވަނީ މަރުވެފައެވެ.
ނޭވާލާން އުނދަގޫވާތީ ގދ. ތިނަދޫގައި ހުންނަ ޑރ. އަބްދުއްސަމަދު މެމޯރިއަލް ހޮސްޕިޓަލަށް އޭނާ ގެންދިޔަ އިރުވެސް އޮތީ މަރުވެފައި ކަމަށް ފުލުހުން ބުނެއެވެ.
