އެމްޓީސީސީގެ ބައެއް ބަސް ރޫޓުތަކުގައި، ކަރުދާސް ޓިކެޓްގެ ބަދަލުގައި ދަތުރު ކާޑު ބޭނުން ކުރާގޮތަށް ހިދުމަތަށް ބަދަލު ގެނެސްފިއެވެ.
އެމްޓީސީސީން ބުނީ އެމްޓީސީސީގެ އާންމު ބަހުގެ ހިދުމަތް ބޭނުން ކުރާ ކަސްޓަމަރުންގެ ލުއި ފަސޭކަމަށްޓަކާ ބައެއް ބަސް ރޫޓުތަކުގައި، ސެޕްޓެމްބަރު 24، 2021 އިން ފެށިގެން ކަރުދާސް ޓިކެޓްގެ ބަދަލުގައި ދަތުރު ކާޑު ބޭނުންކުރާގޮތަށް ހަމަޖެހިފައިވާ ކަމަށެވެ.
ދަތުރު ކާޑު ބޭނުންކުރާގޮތަށް ހަމަޖެހިފައިވާ ބަސް ރޫޓުތައް:
- ހުޅުމާލެ ނެއިބާހުޑް ބަސް ރޫޓު
- ހުޅުމާލެ ވެލާނާ އިންޓާނޭޝަނަލް އެއަރޕޯޓް ބަސް ރޫޓު
އެގޮތުން ކަރުދާސް ޓިކެޓްގެ ބަދަލުގައި ދަތުރު ކާޑު ބޭނުންކުރާގޮތަށް ހަމަޖެހިފައިވަނީ ސެޕްޓެމްބަރު 24، 2021 އިން ފެށިގެން ކަމަށް އެމްޓީސީސީން ބުނެއެވެ.
ދަތުރު ކާޑު ބަލައިގަތުމާ ޓޮޕްއަޕް ކުރުމުގެ ހިދުމަތް އެމްޓީސީސީގެ ހުރިހާ ގިމަތަފަހި ޕްލާޒާ (ދަތުރުކާޑު އޭޖެންޓް) މެދުވެރިކޮށް ލިބޭނެ ކަމަށް އެމްޓީސީސީން ބުނެއެވެ.
