ރ. އަނގޮޅިތީމު ބަނދަރު މަޝްރޫއުގައި މިހާރު ހާބަރު ޕޭވްމަންޓްގެ ހެދުމުގެ މަސައްކަތް ނިމިއްޖެ ކަމަށް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) އިން ބުނެފިއެވެ.
އެމްޓީސީސީ އިން ބުނީ މި މަޝްރޫއުގެ ދަށުން، މަސައްކަތުގެ 50 ޕަސެންޓް މިހާރު ނިމިފައިވާ ކަމަށެވެ.
މި މަޝްރޫއުގެ ދަށުން އަނގޮޅިތީމު ބަނދަރު 42000 ކިއުބިކް މީޓަރަށް ފުން ކުރުމަށް ހަމަޖެހިފައި ވާއިރު، 615 މީޓަރަށް ނެރު ފުން ކުރުމަށް ވެސް ވަނީ ހަމަޖެހިފައެވެ.
މީގެ އިތުރުން 221 މީޓަރުގެ ބޮޑުހިލަ ބޭރުތޮށިލުމާއި، 91.44 މީޓަރުގެ އެއްގަމު ތޮށިލުމާއި، 12 ބަނދަރު ބައްތި ބެހެއްޓުމަށް ވަނީ ހަމަޖެހިފައެވެ. އަދި 1110 ސްކެއާ މީޓަތރުގެ ޕޭވްމަންޓް ހެދުމާއި، 5 މޫރިން ބްލޮކްސް ހެދުމާއި، 166 މީޓަރުގައި ރިވެންޓްމަންޓް ޖެހުމުގެ އިތުރުން 2 ނެރު ބައްތި ޖެހުން ވެސް ހިމެނެއެވެ.
މި މަޝްރޫއަކީ 40.7 މިލިއަން ރުފިޔާގެ މަޝްރޫއެއް ކަމަށް ވެސް އެ ކުންފުނިން ބުނެއެވެ.
