މާލޭގެ އިމާރާތެއްގެ މަތިން އަންހެނަކު ވެއްޓިއްޖެއެވެ.
"ދަ ޕްރެސް" އަށް މައުލޫމާތު ދެމުން ފުލުހުން ބުނީ އަންހެނަކު ވެއްޓިގެން ފުލުހުންނަށް މައުލޫމާތު ލިބިފައިވަނީ މިއަދު ހަވީރު ގާތްގަނޑަކަށް 4:00 ހާއިރު ކަމަށާއި މިހާރު އެ މީހާއަށް އަންނަނީ އައިޖީއެމްއެޗްގައި ފަރުވާ ދެމުން ކަމަށެވެ.
ފުލުހުން އިތުރަށް ބުނީ އަންހެންމީހާ ވެއްޓިފައިވަނީ އަމީނީ މަގުގައި ހުންނަ "ސްޓޮޕް އެންޑް ޝޮޕް" ފިހާރަ އާއި ޖެހިގެން ހުންނަ އިމާރާތެއްގެ މަތިން ކަމަށެވެ.
އާންމުވެފައިވާ ވީޑިއޯއިން ފެންނަ ގޮތުގައި އަންހެންމީހާ ވެއްޓުނު ތަނުގައި ލޭ ހުއްޓެވެ.
އެ މީހާ ވެއްޓިފައި ވަނީ އެ އިމާރާތުގެ ކިތައް ވަނަ ފަންގިފިލާއިން ކަމެއް އަދި އެ މީހާއަށް ލިބުނު ގެއްލުމެއް ފުލުހުން އަދި ހާމައެއް ނުކުރެއެވެ.
