ހުރިހާ ބާރަކާއެކީ 3 އަހަރުވީމާވެސް ކުރީ ސަރުކާރަށް ތުހުމަތު ކުރުމުން ރައްޔިތުންނަށް އެކަން ވާނީ ޖޯކަކަށް ކަމަށް ވިދާޅުވެ، ޕީޕީއެމްގެ ނާއިބް ރައީސް، ނައިފަރު ދާއިރާގެ މެމްބަރު އަހުމަދު ޝިޔާމް އެމްޑީޕީގެ ޕީޖީ ގްރޫޕްގެ ލީޑަރު، މެދުހެންވޭރު ދާއިރާގެ މެމްބަރު އަލީ އާޒިމަށް ރައްދު ދެއްވައިފިއެވެ.
މާލޭގެ ގޭބިސީތަކަށް މިފަހަރު ކަރަންޓު ބިލު ބޮޑުވި މައްސަލައިގައި އާންމުން ކަންބޮޑުވުން ފާޅުކުރުމުން، މޭޔަރު ޑރ. މުހައްމަދު މުއިއްޒު ވެސް އެކަމާ ވަނީ ކަންބޮޑުވުން ފާޅުކުރައްވާ ފައެވެ. މޭޔަރު ކަންބޮޑުވުން ފާޅުކުރެއްވުމުން އެމްޑީޕީގެ ޕީޖީ ލީޑަރު އަލީ އާޒިމް، ރައްދުގައި ވިދާޅުވީ ކަރަންޓު ބިލު ބޮޑުވީ ކުރީ ސަރުކާރުން އަމަލު ކުރި ގޮތުގެ ސަބަބުން ކަމަށެވެ.
އާޒިމްގެ ވާހަކަތަކަށް ރައްދު ދެއްވަމުން، ޝިޔާމް ވިދާޅުވީ "ބައްލަވާ އަދިވެސް ތިޔަ ހާސަރުން ނެއްޓޭކަށް ނުވޭތޯ؟" އެވެ.
ޝިޔާމް އިތުރަށް ވިދާޅުވީ ރައީސް އިބްރާހީމް މުހައްމަދު ސޯލިހުގެ ވެރިކަމުގެ ދައުރު ނިމުމުގެ ކުރިން ރައްޔިތަކަށް ހިދުމަތެއް ކޮށްދިނުމަކީ މާ އައުލާކަން ބޮޑު ކަމެއް ކަމަށެވެ.
އާޒިމް ވިދާޅުވީ، މިއަދު ސަރުކާރަށް އިގްތިސާދީ ގޮތުން މިދިމާވާ ދަތިތަކަކީ، ނިމިދިޔަ ސަރުކާރުން ހާއްސަކޮށް މުއިއްޒުވެސް ހިމެނިވަޑައިގަންނަވާ ކެބިނެޓަކުން އަމަލުކުރެއްވި ގޮތަކުން ޖެހެމުންދާ ދަތިތަކެއް ކަމަށެވެ. ނަމަވެސް ސަރުކާރުން ދަނީ މިކަންކަން ހައްލުކޮށް ރައްޔިތުންނަށް އަދަށް ވުރެ ފަހި މާދަމައެއް ހޯދުމަށް މަސައްކަތް ކުރަމުން ކަމުގައި އާޒިމް ވިދާޅުވިއެވެ.
ނިމިދިޔަ ޖޫންމަހުގެ ކަރަންޓް ބިލް ބޮޑުކަމަށް ފެންނަނީ ކޮވިޑާ ގުޅިގެން ދިން ސަބްސިޑީ ޖުލައި މަހު ކަރަންޓު ބިލަށް އިއާދަކުރުމުން ކަމަށް ސްޓެލްކޯއިން ވަނީ ބުނެފައެވެ.
ކުރީ ސަރުކާރޭ ކިޔާކަށް އެކަކުވެސް ވެރިކަމައް އައުމުގެ ބޭނުމެއް ރައްޔިތުންނަކަށް ނެތް ކުރީސަރުކާރުން ރައްޔިތުނަށް ދިން ހިދުމަތަށްވުރެ ރަނގަޅު ހިދުމަތެއް ދެވޭތޯ ބަލަންވީ މިއީ އަޅުގަޑުމެންގެ ވެސް ގައުމު ބަހަނާ ނުދައްކާ ކަންނު ކުރެ ވޭމީހުން ބަހަނާ ދައްކާނީ