ރައީސް އިބްރާހިމް މުހައްމަދު ސޯލިހު ދިރިއުޅުއްވާ ގެކޮޅަށް ވުރެ ތީމުގެ ހުރީ ސަލާމަތާއި ރައްކާތެރިކަން ފޯރުކޮށްދިނުމަށް އެތައް ގޮތަކުން ރަނގަޅަށް ކަމަށް މަޖިލީހުގެ ސަލާމަތީ ހިދުމަތްތަކާބެހޭ ކޮމިޓީގެ މުގައްރިރު ހިތަދޫ އުތުރު ދާއިރާގެ މެންބަރު މުހައްމަދު އަސްލަމް ވިދާޅުވެއްޖެއެވެ.
އަސްލަމް އެހެން ވިދާޅުވީ ރައްޔިތުންގެ މަޖިލީހުގެ ރައީސާއި އުއްތަމަ ފަނޑިޔާރަށް ސަލާމަތާއި ރައްކަތެރިކަން ކަށަވަރު ކޮށްދިނުމަށްޓަކާ ރަސްމީ ގެކޮޅެއް ހަމަޖެއްސުމަށް ސަރުކާރުން ހުށައެޅި ބިލުގެ ރިޕޯޓު ސަލާމަތީ ހިދުމަތްތަކުގެ ކޮމިޓީގެ ފާރާތުން ތަޅުމަށް ހުށަހެޅުމަށް ފަހުއެވެ.
އެގޮތުން އަސްލަމް ވިދާޅުވީ ތީމުގެއަކީ ރައީސުލްޖުމްހޫރިއްޔާއަކު ހުންނެވުމަށް ދައުލަތުން އެތައް ހަރަދުތަކެއް ކޮށްގެން ހަދާފައިވާ ތަނެއް ކަމަށާ، އެހެން ކަމުން ރައީސުލްޖުމްހޫރިއްޔާ ތީމުގެއަށް ބަދަލުވަވަޑައިގަންނެވުމަށް ކުރަން ޖެހޭ ކަންކަން ކަމާގުޅުން ހުރި އިދާރާތަކުން ކުރުމަކީ މުހިންމު ކަމެއް ކަމަށެވެ.
އެހެންކަމުން ރައީސުލް ޖުމްހޫރިއްޔާގެ ސަލާމަތާއި ރައްކާތެރިކަން ބެލެހެއްޓުމަށް މަތި ކޮށްފައިވާ މޯލްޑިވްސް ނެޝަނަލް ޑިފެންސް ފޯސްގެ ފަރާތުންނާއި އެކަމާ ބެހޭ އެހެން ފަރާތްތަކުން ވީ އެންމެ އަވަހަކަށް ރައީސް ތީމުގެ އަށް ބަދަލު ކުރުމަށް ކުރަން ޖެހޭ އެންމެހާ ކަންކަން ކުރުމަށް އަސްލަމް ގޮވާލެއްވިއެވެ.
ދައުލަތުގެ ދެ ބާރުގެ އިސްވެރިންނަށް ދައުލަތުން ރަސްމީ ގެކޮޅަށް ހަމަޖައްސާދިނުމަށް ރައީސް ނިންމަވާފައިމިވަނީ މިދިޔަ މަހުގެ ކުރީކޮޅު ރައްޔިތުންގެ މަޖިލީހުގެ ރައީސް، ރައީސް މުހައްމަދު ނަޝީދު އަވަހާރަކޮށްލުމަށް ނުރައްކާތެރި ހަމަލާއެއް ދިނުމާއި ގުޅިގެންނެވެ.
މިދެން ކިހާ ބޮޑު މުސީބާތެއް. ދައުލަތް ބަނގުރޫޓުވާއިރުވެސް މިމީހުންނަށް އަދިވެސް، ގެދޮރާއި މުދަލާ، ހެސްކިޔާފަ ބޮޑު މުސާރަ. ހެޔޮނުވާނެ. ރައްޔިތުންނަށް ކަމެއް ކޮށްދެވޭތޯ ބަލާބަ. ރައްޔިތުންގެ ބޯހިޔާވަހިކަމުގައި ވެސް އަތްއަޅައި ފޮރުވައިގެން އުޅޭ ބަޔަކަށް އެއްވެސް ތަނެއް ދޭނަކަމެއް ނެތް.
ތިއުޅޭ އަންނިމެން ގޮވީ ތީމުގެއަކީ މައުމޫނު ގެއެކޭ ރަންފާޙާނާ ތަށިތަކޭ ކިޔާގެން ރަށްޔިތުންގެ ހިތްތަކުގައި މައުމޫނުއާއި ނަފްރަތު އުފަށްދައިގެން ވެރިކަން ބަދަލުކުރީ ވަރަށްސާފް އިނގޭތޯ