ގުޅިފަޅު މަޝްރޫއުގެ މަސައްކަތް ފެށުމަށް ޕްރޮޖެކްޓް ސައިޓް މޮބިލައިޒް ކޮށްފިއެވެ.
އެމްޓީސީސީން ބުނީ ގުޅިފަޅު މަޝްރޫއުގެ މަސައްކަތް ފެށުމަށްޓަކާ ޖޫން 2، 2021 ވަނަ ދުވަހު ޕްރޮޖެކްޓް ސައިޓް މޮބިލައިޒްކޮށްފައިވާ ކަމަށެވެ.
އެ މަޝްރޫއު ނިންމުމަށް ހަމަޖެހިފައިވަނީ 55 ދުވަސްތެރޭ ކަމަށް އެމްޓީސީސީން ވަނީ ބުނެފައެވެ.
އެމްޓީސީސީން ބުނީ އެ މަޝްރޫއަކީ 8.94 މިލިއަން ރުފިޔާގެ މަޝްރޫއެއް ކަމަށެވެ.
އެމަޝްރޫއުގެ ދަށުން، 80،000 ކިއުބިކް މީޓަރުގެ ސަރަޙައްދެއްގެ ބިން ހިއްކުމާއި، 380 މީޓަރުގެ ސަރަޙައްދެއްގައި ގޮނޑުދޮށް ހިމާޔަތް ކުރުމުގެ މަސައްކަތް ކުރުން ހިމެނެއެވެ.
ގުޅިފަޅު ހިއްކުމަށް ފަހު މާލޭ ރައްޔިތުންނަށް ބޯހިޔާވަހިކަން ފޯރުކޮށްދިނުމަށް 1200 ބިން ދޫކުރަން މި ސަރުކާރުން ވަނީނިންމާފައެވެ.
