މި އަހަރުގެ މިހާތަނަށް ޓެކުހުން ލިބެމުން އަންނަ އާމްދަނީ އުންމީދު ކުރި ވަރަށް ވުރެ އިތުރު ކަމަށް ފިނޭންސް މިނިސްޓަރު އިބްރާހިމް އަމީރު ވިދާޅުވެއްޖެއެވެ.
އަމީރް އެހެން ވިދާޅުވީ އެޗްއޯސީގައި މިއަދު ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުންނެވެ.
މި އަހަރުގެ ޓެކުހުން ލިބެމުން އަންނަ އާމްދަނީ އުންމީދު ކުރި ވަރަށް ވުރެ އިތުރުވެފައި ވާ މައިގަނޑު ސަބަބަކީ ޓޫރިޒަމް ރަނގަޅު ވަމުން ދިއުން ކަމަށް އަމީރު ވިދާޅުވިއެވެ.
ޓޫރިސްޓުން ރާއްޖޭގައި ތިބޭ މުއްދަތު އިތުރުކަން ފާހަގަ ކުރައްވާ އަމީރު ވިދާޅުވީ 2019 ވަނަ އަހަރު އެވްރެޖުކޮށް ޓޫރިސްޓުން ތިބެނީ ހަ ދުވަހު ކަމަށެވެ. ނަމަވެސް މި އަހަރުގެ އެވްރެޖުކޮށް 8-9 ދުވަހަށް ޓޫރިސްޓުން ތިބޭ ކަމަށް އަމީރު ވިދާޅުވިއެވެ.
އޭގެ އިތުރުން މިއަހަރު ރާއްޖެ އަންނާނެ ކަމަށް ކުރިން ލަފާކުރީ ހަ ލައްކަ މީހުން ކަމަށާއި ނަމަވެސް އެ އަދަދު އެއް މިލިއަނަށް އިތުރު ވެފައިވާ ކަމަށް އަމީރު ވިދާޅުވިއެވެ. އަމީޒު ވިދާޅުވީ މިހާރު އުންމީދަކީ 1.5 މިލިއަން ޓޫރިސްޓުން ރާއްޖެ އައުން ކަމަށެވެ.
މި އަހަރުގެ މިހާތަނަށް އާމްދަނީގެ ގޮތުގައި 7.1 ބިލިއަން ރުފިޔާ ލިބިފައިވާ ކަމަށް ފިނޭންސް މިނިސްޓްރީގެ ތަފާސް ހިސާބުތައް ދައްކައެވެ. އަދި ޓެކުގެ ގޮތުގައި މިހާތަނަށް 5.5 ބިލިއަން ރުފިޔާ ވަނީ ލިބިފައެވެ.
ކައިވެސް އަވަދިވެއްޖެ؟