ގދ. ފަރެސްމާތޮޑާ އެއާޕޯޓް މަޝްރޫއުގެ ތެރެއިން ރަންވޭގައި ތާރުއެޅުމަށް ވާންޖެހޭ ތައްޔާރީތައް ވާން ފަށާފިއެވެ.
މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) އިން ބުނީ، ފަރެސްމާތޮޑާ އެއާޕޯޓް ތަރައްގީ ކުރުމުގެ މަޝްރޫއުގެ ދަށުން، ރަންވޭއާއި ޓާނިން ޕެޑްގެ ސަބްގްރޭޑް މަސައްކަތްތައް ނިމިފައިވާ ކަމަށެވެ.
މި މަޝަރޫއަކީ 144.88 މިލިއަން ރުފިޔާގެ މަޝްރޫއެއް ކަމަށް އެމްތީސީސީން ބުނެއެވެ. އަދި މި މަޝްރޫޢުގެ ދަށުން، 1200 މީޓަރުގެ ރަންވޭއަކާއި، ޓެކްސީވޭ އަކާއި، އޭޕްރަންއަކާއި ސާވިސް ރޯޑު އިމާރާތް ކުރުން ހިމެނޭ ކަމަށް އެމްޓީސީސީން ބުނެއެވެ.
އެމްޓީސީސީއަކީ ކޮންސްޓަރްކްޝަން މަސައްކަތާއި، ބަނދަރު ހެދުމުގެ މަސައްކަތާއި މަގު ހެދުމާއި ތާރު އެޅުން ފަދަ މަޝްރުއުތައް ރާއްޖޭގެއެކި ކަންކޮޅުތަކުގައި ކުރާ ކުންފުންނެކެވެ. އެމްޓީސީސީން ރާޢްޖޭގެ އެކި ކަންކޮޅުތަކުގެ ތަފާތު މަސައްކަތްތައް ކުރިއަށް ގެންދާއިރު، އެ ކުންފުނިން މި އަހަރު ހިންގި އެންމެ ފާހަގަކޮށްލެވޭ އެއް މަޝްރޫއު އަކީ ހޯރަފުށީ އެއާޕޯޓްގެ މަޝްރޫއެވެ.
