ސްޓެލްކޯގެ ފަރާތުން ވ. ފެލިދޫގައި ގާއިމް ކުރާ ޒަމާނީ ފެންވަރުގެ އިންޖީނުގޭގެ ބިންގާ މިއަދު އަޅައިފިއެވެ.
މިކަމަށްޓަކައި ފެލިދޫގައި ބޭއްވި ރަސްމިއްޔާތުގައި އެ އިމާރާތުގެ ބިންގާ އަޅުއްވާ ދެއްވާފައި ވަނީ ސްޓެލްކޯގެ މެނޭޖިން ޑިރެކްޓަރު ހަސަން މުޣްނީ އާއި ރައީސް އޮފީހުގެ މިނިސްޓަރު މުހައްމަދު ޝިފާޒެވެ.
ސްޓެލްކޯއިން ބުނީ، ވ. ފެލިދޫގައި މިއަދު ބިންގާ އެޅި އިންޖީނުގެއަކީ ރާއްޖޭގައި މިހާރު އަޅާ އެންމެ ފެންވަރު ރަނގަޅު އިންޖީނުގެތަކުގެ ތެރޭގައި ހިމެނޭނެ އިންޖީނު ގެއަށް ވެގެންދާނެ ކަމަށެވެ. އެ އިންޖީނުގެއަކީ މުޅިން އާ ޒަމާނީ ވަސީލަތްތަކާ އެކު، މުސްތަގުބަލުގައި ފެލިދޫއަށް އަންނާނެ ކުރިއެރުމާއި، ތަރައްގީއަށް އަދި ދުރު މުސްތަގުބަލަށް ވިސްނާފައި އަޅާ އިންޖީނު ގެއެއް ކަމަށެވެ.
އެ އިންޖީންގެއިން 4 މެގަވޮޓްގެ ކެޕެސީޓީ ގާއިމް ކުރެވޭނެ ކަމަށް އެ ކުންފުނިން ލަފާ ކުރެއެވެ.
