ހެލްތު ޕްރޮޓެކްޝަން އެޖެންސީ (އެޗްޕީއޭ)ގެ ގައިޑްލައިނާ ހިލާފަށް މާލެއިން ވ. އަންބަރާއަށް ދިޔަ 95 މީހަކު ޖޫރިމަނާ ކޮށްފިއެވެ.
ފުލުހުން ބުނީ އެޗްޕީއޭގެ ގައިޑްލައިންއާ ހިލާފަށް އަދި ހުއްދައަކާ ނުލާއި މާލެއިން އަންބަރާއަށް ދަތުރުކުރި 95 މީހަކު ރޭ ޖޫރިމަނާ ކޮށްފައިވާ ކަމަށެވެ.
އޭގެ އިތުރުން އެމީހުން އެރަށަށް ދިޔަ އުޅަނދަށް މީހުން އެރުވީ އުޅަނދަށް މީހުން އަރުވަން ކަނޑައަޅާފައިވާ އަދަދަށް ވުރެ އިތުރަށް ކަމަށް ވެސް ފުލުހުން ވަނީ ބުނެފައެވެ.
ފުލުހުން ބުނީ އެމައްސަލަ ތަހުގީގު ކުރުމަށް ފަހު އެކަމާ ގުޅިގެން އަޅަން ޖެހޭ ފިޔަވަޅު އަޅާނެ ކަމަށެވެ.
ފުލުހުން ވަނީ އެޗްޕީއޭގެ ގައިޑްލައިންތަކާ އެއްގޮތަށް އަމަލުތައް ބެހެއްޓުމަށް އަދި ކޮވިޑް-19 ފެތުރުން ހުއްޓުވުމުގައި އެހީތެރިވުމަށް އާންމުންގެ ކިބައިން އެދިފައެވެ.
އެނގިފައިވާ ގޮތުގައި ފުލުހުން އެމީހުން ޖޫރިމަނާ ކުރީ އެމީހުން އެރަށުގައި ތިއްބާ، ފުލުހުން އެރަށަށް ގޮސްފައެވެ.
