ތ. ވަންދޫން ގެއްލިގެން ހޯދަމުން ދިޔަ މީހަކު ގަސްތަކެއްގެ ތެރެއިން ފެނިއްޖެއެވެ.
"ދަ ޕްރެސް" އަށް މައުލޫމާތު ދެއްވަމުން ވަންދޫ ކައުންސިލްގެ ރައީސް މުހައްމަދު ޣިޔާސް ވިދާޅުވީ އެމީހާ ގެއްލިގެން ހޯދަމުން ދިޔައީ މިއަދު އިރު އޮއްސުނު ފަހުން ކަމަށެވެ.
އެމީހާ ފެނިފައި ވަނީ މީގެ ކުޑަ އިރުކޮޅެއް ކުރީން އަވަށު ތެރޭގައި ހުރި ގަސްތަކެއްގައި ތެރެއިން ކަމަށް ޣިޔާސް ވިދާޅުވިއެވެ. އަދި އެމީހާގެ ހާލު ރަނގަޅު ނަމަވެސް އެމީހާ އެ ރަށު ހޮސްޕިޓަލަށް ގެންގޮސް ފައިވާ ކަމަށް އޭނާ ވިދާޅުވިއެވެ.
ޣިޔާސް ވިދާޅުވި ގޮތުގައި ގެއްލިގެން ހޯދަމުން ދިޔައީ 35 އަހަރުގެ އަންހެނެއް ކަމަށެވެ.
އެމީހާ ހޯދުމަށް ރަށުގެ ރައްޔިތުންގެ އިތުރުން ފުލުހުން ވެސް ވަނީ ހަރަކާތްތެރި ވެފައެވެ.
މައުލޫމާތު ލިބިފައިވާ ގޮތުން މީގެ ކުރިން ވެސް އެމީހާ ވަނީ އެގޮތަށް ގެއްލިގެން ހޯދާފައެވެ. އަދި އެމީހާގެ ކޮންމެސް ކަހަލަ ބައްޔެއް ހުންނަ ކަމަށް ރަށުން ވާހަކަ ދެއްކި މީހަކު ވަނީ ބުނެފައެވެ. ނަމަވެސް މިއަދު އޭނާ ގެއްލެން ދިމާވި ސަބަބެއް އަދި ސާފެއް ނުވެއެވެ.
ތިޔަހެން ވެއްޖެ ކަަމަށް ވަންޏާ ތީ ހާއްސަ ސަމާލުކަމެއް ދީގެން ބަލަހައްޓަން ޖެހޭ މީހެއްކަމާމެދަކު ޝައްކެއްނެތް... އާއިލާއިން ޒިންމާ އުފުލަންޖެހޭ.. ވާނުވާ ބަލަންޖެހޭ. ވާނެއެއްޗެއްވާން، ގަސްތަކެއް ތެރެއަށްވަދެ ފިލަން، މޫދަށްއެރި ގެނބެން ދޫކޮށްލެވިގެން ނުވާނެ. ޢުމުރުން 35 އަހަރު ވެފާ ހުއްޓަކަސް އެހެންމީހުންގެ ޚާއްސަ އެހީތެރިކަން ލިބެންޖެހޭ މީހެއްނަމަ، އެއެހީތެރިކަމް އެކަމަނާ އަށްވެސް ލިބެން ޖެހޭނެ.. ޝުކުރިއްޔާ!!