ހުސްވި މާޗު މަހުގެ 12 ވަނަ ދުވަހުން ފެށިގެން އިއުލާނު ކޮށްފައިވާ އާންމު ސިއްހަތުގެ ކުއްލި ނުރައްކަލުގެ ހާލަތު އިތުރު 1 މަހަށް ދަންމާލައިފިއެވެ.
ކޮވިޑް-19އާ ގުޅިގެން ރާއްޖޭގައި ސިއްހީ ކުއްލި ނުރައްކަލުގެ ހާލަތު އިތުރުކުރި މީ 8 ވަނަ ފަހަރެވެ.
ހެލްތު މިނިސްޓްރީން ބުނީ، މިދިޔަ މާޗު މަހުގެ 12 އިން ފެށިގެން އިއުލާނު ކޮށްފައިވާ އާންމު ސިއްހަތުގެ ކުއްލި ނުރައްކަލުގެ ހާލަތުގެ މުއްދަތު، އަންނަ ނޮވެމްބަރު މަހުގެ 5 ވަނަ ދުވަހުގެ ނިޔަލަށް ދެމެހެއްޓުމަށް ނިންމައި، އެކަން އިއުލާން ކުރާ ކަމަށެވެ.
ކޮވިޑް-19 ބައްޔަކީ "ޕެންޑެމިކް" އެއް ކަމަށް ޑަބްލިއުއެޗްއޯއިން ކަނޑައެޅުމާ ގުޅިގެން ރާއްޖޭގައި އާންމު ސިއްހަތުގެ ކުއްލި ނުރައްކަތުގެ ހާލަތު ސަރުކާރުން އިއުލާން ކޮށްފައި ވަނީ އާއްމު ސިއްހަތު ރައްކާތެރި ކުރުމުގެ ގާނޫނުގެ ދަށުން ހެލްތު މިނިސްޓަރަށް ލިބިގެންވާ ބާރުގެ ދަށުންނެވެ. އެންމެ ފަހުން އެ މުއްދަތު އިތުރުކުރީ އޮކްޓޯބަރު މަހުގެ 6 ވަނަ ދުވަހުގެ ނިޔަލަށެވެ.
ހެލްތު މިނިސްޓްރީން ނެރުނު ގަރާރުގައި ވަނީ، އާންމު ސިއްހަތު ރައްކާތެރި ކުރުމުގެ ގާނޫނުގެ ދަށުން ހެލްތް މިނިސްޓަރަށް ލިބިދޭ ބާރުގެ ދަށުން މިހާރު އިއުލާން ކޮށްފައިވާ އާންމު ސިއްހަތުގެ ކުއްލި ނުރައްކަލުގެ މުއްދަތު އަންނަ ނޮވެމްބަރު މަހުގެ 5 ވަނަ ދުވަހު ގެ ނިޔަލަށް ދެމެހެއްޓުމަށް ނިންމާ އެކަން ޑިރެކްޓާ ޖެނެރަލް އޮފް ޕަބްލިކް ހެލްތަށް އަންގާ ކަމަށެވެ. އެ ގަރާރުގައި ސޮއި ކުަރައްވައިފައި ވަނީ ހެލްތު މިނިސްޓްރީ ވަގުތީ ގޮތުން ހިންގެވުމާ ހަވާލުވެ ހުންނެވި ޕްލޭނިން މިނިސްޓަރު މުހައްމަދު އަސްލަމެވެ.
ސިއްހީ ނުރައްކަލުގެ ކުއްލި ހާލަތުގެ މުއްދަތު އަނެއްކާ ވެސް އިތުރު ކުރީ ކޮވިޑް-19 ގެ ނުރައްކާ އަދިވެސް އޮތުމުން ކަމަށް އެ ގަރާރުގައި ބުނެއެވެ. އަދި އެ ނުރައްކާ ކުޑަކޮށް ހާއްސަ ފިޔަވަޅުތަކެއް އެޅުމަށް ސިއްހީ ކުއްލި ނުރައްކަލުގެ ހާލަތުގެ މުއްދަތު އިތުރު ކުރުމަށް ޑިރެކްޓާ ޖެނެރަލް އޮފް ޕަބްލިކް ހެލްތު ލަފާ ދެއްވާފައިވާ ކަމަށް ވެސް ވެއެވެ.
ތިއަށްވުރެން ރަގަޅުވާނީ ރައްުޔިތުން ކަރުގައި ވާބައްދައިގެން ފުލުހުންނާއި ސިފައިން ނިކުމެގެން ދުވިއްޔާ. ކޮންކަމެއް ލައިގަނެގެން މިއުޅެނީ! މިމީހުން ބޭނުންވީމާ އެބަބުނެވޭ މިމަހުގެ ފަހުކޮޅު ވަދުވާނެ، އަންނަމަހުގެ މެދުތެރޭ އިތުރުވާނެ. މިއީ ހީވަނީ ކުޅޭކުޅޭ ގޭމެއްހެން. ހެއްވާ ކަމެއް. ކަލޭމެން ބޭނުންކަމެއް ކޮށްގެން ބަނޑުއަޅާލައިގެން ތިބެންވީއެއްނޫން. ތިހާ ނުރައްކާ ނަމަ ކޮރޯނާއަށް ޕޮޒިޓިވް ކަމަށް ދައްކާ މީހާ އެކަހެރިކޮށްގެން ގެންދާން އެޗްޕީއޭއަށް ގުޅީމާ ތިންދުވަސް ވާއިރު ނާދޭ! ބުނަނީ މިއަދަށް ކަނޑައެޅިފައިވާ ވަރަށް ގެންދެވިއްޖެޔޯ. އެންމެފަހުން ގެއިންމީހުން ނިކުމެގެން މިދަނީ ފުޅޫކްލިނިކަކަށް ނޫނީ ކޮންމެވެސް ހޮސްޕިޓަލަކަށް. ހާލަތަކީ މިއީ! މިވޭތުވެދިޔަ 4 ދުވަސް ތެރޭ މިކަހަލަ ކަންތައް ދިމާވެފައިހުރީ. މިމީހުންގެ އިރެސްޕޮންސިބްލް ވާހަކަ ދައްކާ ކޮޅުންނުލާނެ.