އުމުރުން79 އަހަރުގެ ފިރިހެނަކު ކޮވިޑް ގައި ނިޔާވެއްޖެއެވެ.
ހެލްތު އިމަޖެންސީ އޮޕަރޭޝަން ސެންޓަރު (އެޗްއީއޯސީ) އިން ބުނީ ނިޔާވި މީހާ އޮތީ އައިޖީއެމްއެޗްގެ އެމަޖެންސީރޫމްގައި ކަމަށެވެ.
އެމީހާ ނިޔާ ވެފައިވަނީ ރޭދަންވަރު 02:58ގައި ކަމަށް އެޗްޕީއޭ އިން ވަނީ ބުނެފައެވެ. މިއަދު ނިޔާވި މީހާ އާއެކު މިމަހު މިހާތަނަށް 10 މީހުން ވަނީ ނިޔާވެފައެވެ.
މިއީ ކޮވިޑް ޖެހިގެން ރާއްޖޭގައި ނިޔާވި 27 ވަނަ މީހާ ކަމަށް އެޗްއީއޯސީން ވަނީ ކަނޑައަޅާފައެވެ.
ރާއްޖޭގައި ހަލުވި ކަމާއެކު ކޮވިޑު ފެތުރެމުންދާއިރު އިއްޔެ ވެސް ކޮވިޑަށް ވަނީ 119 މީހަކު ޕޮޒިޓިވް ވެފައެވެ. އޭ ތެރޭގައި ހިމެނެނީ، 100 ދިވެހިންނާއި، ބަންގްލަދޭޝަށް ނިސްބަތްވާ 11 މީހަކާއި އިންޑިއާގެ 3 މީހަކާއި ފިލިޕީންސްގެ 3 މީހުންނާއި އެމިރޭޓްސްގެ ދެ މީހުން އަދިސްރީލަންކާގެ އެކަކެވެ. މިއަދު ޕޮޒިޓިވްވި މީހުންގެ ތެރެއިން 110 މީހަކު މާލެ ސަރަހައްދުން ޕޮޒިޓިވް ވެފައިވާއިރު، 9 މީހަކު ޕޮޒިޓިވްވީ އަތޮޅުތެރެއިންނެވެ.
މިއާއެކު ރާއްޖެއިން ޕޮޒިޓިވްވި މީހުންގެ ޖުމްލަ އަދަދު މިވަނީ 6779 އަށް އަރާފައެވެ. އަދި ރަނގަޅުވި މީހުންގެ އަދަދު 4222 އަށް ވަނީ އަރާފައެވެ. މިހާތަނަށް އައި އިރު ރާއްޖެއިން މި ބަލި ޖެހިގެން 24 މީހަކު ވަނީ މަރުވެފައެވެ.
