ކޮވިޑް ޖެހުނު 140 މީހަކު މިއަދު ރަނގަޅު ވެއްޖެއެވެ.
މިއަދު ޖުމްލަ 140 މީހުން ރަނގަޅު ވެފައި ވާއިރު މިހާރު ބަލިން ރަނގަޅުވި މީހުންގެ އަދަދު ވަނީ ޖުމްލަ 3788 އަށް އަރާފައެވެ. މިހާރު ހޮސްޕިޓަލުގައި 152 މީހަކަށް ފަރުވާ ދެމުން ދާއިރު އައިސޮލޭޝަން ފެސިލިޓީ ތަކުގައި 1390 މީހަކު އެބަ ތިއްބެވެ.
މިއަދު ކޮވިޑަށް 146 މީހަކު ވަނީ ޕޮޒިޓިވް ވެފައެވެ. ޕޮޒިޓިވްވި މީހުންގެ ތެރޭގައި ހިމެނެނީ ޕޮޒިޓިވްވި މީހުންގެ ތެރޭގައި ހިމެނެނީ، 117 ދިވެހިންނާއި، ބަންގްލަދޭޝަށް ނިސްބަތްވާ 21 މީހަކާއި އިންޑިއާގެ 2 މީހަކާއި ސްރީލަންކާގެ 5 މީހުން އަދި ޕިލިޕީންސްގެ މީހެކެވެ.
ޕޮޒިޓިވްވި މީހުންގެ ތެރެއިން 144 މީހަކު ޕޮޒިޓިވްވީ މާލެ އިންނެވެ. މިއަދު 2 މީހަކު ވަނީ އަތޮޅުތަކުން ޕޮޒިޓިވް ވެފައެވެ.
މިއަދު ޕޮޒިޓިވްވި މީހުންނާއެކު ރާއްޖޭގައި ބަލި ޖެހުނު ޖުމްލަ މީހުންގެ އަދަދު ވަނީ 6225 އަށް އަރާފައެވެ.
މިހާތަނަށް އައި އިރު ރާއްޖެއިން މި ބަލި ޖެހިގެން 24 މީހަކު ވަނީ މަރުވެފައެވެ. އޭގެ ތެރޭގައި ހިމެނެނީ 19 ދިވެހިންނާއި 5 ބިދޭސީންނެވެ.
