ޑީއާރްޕީގެ ސްޕޯކްސްޕާސަންއަކަށް ލަަވަކިޔުންތެރިޔާ މޭނާ ހައްސާން ހަމަޖައްސައިފިއެެވެ.
ލަވަކިޔާ މޭނާ ހައްސާން ޑީއާރުޕީގެ ތަރުޖަމާނަކަށް ހަމަޖެއްސީ އޭނާ މިރޭ ޑީއާރުޕީއަށް ސޮއި ކުރުމުންނެވެ. އެ ރަސްމިއްޔާތުގައި އެ ޕާޓީގެ ލީޑަރު އަދި ރައްޔިތުންގެ މަޖިލީހުގެ ކާށިދޫ ދާއިރާގެ މެމްބަރު އަބްދުﷲ ޖާބިރު ވެސް ބައިވެރިވެވަޑައިގަތެވެ.
ޖާބިރު ކުރެއްވި ޓްވީޓެއްގައި ވިދާޅުވީ، މޭނާ ހައްސާނު ސިޔާސީ މަސައްކަތަށް ނުކުތުމަކީ ލިބިވަޑައިގެންނެވި ވަރަށް ބޮޑު ހިތްވަރެއް ކަމަށެވެ. އަދި ހައްސާނަކީ ޖާބިރުގެ އެންމެ ބޮޑު އެއް ސަޕޯޓަރު ކަމަށާއި އޭނާއަކީ ރާއްޖޭގެ ނަންބަރު 1 ލެޖެންޑް ކަމަށް ޖާބިރުގެ ވިދާޅުވިއެވެ.
މިރޭ ސޯޝަލް މީޑިއާގައި އާންމު ވި ވީޑިއޯ ގައި މޭނާ ހައްސާންގެ އަޑުން ލަވައިގެ ބައެއް ކިޔަމުން ދާއިރު ޖާބިރު ނައްޓަވަމުން ގެންދަވައެވެ. އަދި ލަވައިގެ "ކޯރަސް" އާ ހަމައިން މޭނާހައްސާނާ އެކު ޖާބީރުވެސް ނައްޓަވަމުން "ވަގުތު ނެތޭ، ވަގުތު ނެތޭ" ވިދާޅުވަމުން ގެންދަވައެވެ.
