ޑރ. ފާތިމަތު ނަޒްލާ މުސްތަފާ
ރާއްޖޭގައި ކޮވިޑް-19ގެ ހާލަތު ގޯސްވެ ބައްޔަށް ޕޮޒިޓިވްވާ މީހުންގެ އަދަދު އިތުރުވަމުންދާ މިދަނޑިވަޅުގައި ހެލްތު އިމަޖެންސީ އޮޕަރޭޝަން ސެންޓަރު (އެޗްއީއޯސީއިން) މިއަދު ހަވީރު ބާއްވަން ހަމަޖައްސާފައިވާ ނޫސްވެރިންގެ ބައްދަލުވުން ފަށައިފިއެވެ.
އެޗްއީއޯސީއިން މީގެ ކުރިން ނޫސްވެރިންގެ ބައްދަލުވުން ބާއްވަމުން އަންނަނީ ރޭގަނޑު 10:00 ގައެވެ.
ރާއްޖޭގެ ކޮވިޑްގެ ހާލަތާ ގުޅިގެން ލުއި ދީފައި ވަނިކޮށް ކޮވިޑަށް ޕޮޒިޓިވް ވާ މީހުންގެ އަދަދު ދުވަހުން ދުވަހަށް ދަނީ މަތިވަމުންނެވެ. މި ހިނގާ ހަފްތާގެ ތެރޭގައި ކޮވިޑްގައި 4 މީހުން މަރުވެ ޕޮޒިޓިވްވި މީހުންގެ އަދަދު ވަނީ 924 އަށް އަރާފައެވެ.
އިތުރަށް ވިދާޅުވޭ...
04 August 2020, 17:03
ޢާއިޝަތު ޝާޒްލީން
ޑރ. ނަޒްލާ: މިވަގުތު ހުޅުމާލެ މެޑިކަލް ފެސިލިޓީގައި 250 ބެޑް. އެއީ އައިސީޔޫއާއި ނޯމަލް ބެޑްސްއާ އެއްކޮށް. ޑީއެޗް11 އާއި ޑީއެޗް16 ގައި 18 ބެޑް އެބަހުރި. ޑީއެޗް16 އަކީ ހާއްސަކޮށް މާބަނޑު މީހުންނަށް ތައްޔާރުކުރެވިފައި ހުރިތަނެއް. އަތޮޅު ތެރޭގައި ގާއިމްކޮށްފައި ހުރި 5 ކޮވިޑް ސެންޓަރުގައި77 އައިސީޔޫ ބެޑް އާއި 105 އައިސޮލޭޝަން ބެޑްސް އެބަހުރި.
04 August 2020, 17:00
ޢާއިޝަތު ޝާޒްލީން
ދަތުރު ފަތުރު ކުރާ އިރު މާސްކް އަޅަން ޖެހޭނެ
ޑރ. ނަޒްލާ: ބަލި ނެތް ރަށްރަށުގައި އެއްރަށުން އަނެއް ރަށަސް ދަތުރު ކުރުން މިވަގުތު ހުއްޓުވައެއް ނުލަން. ނަމަވެސް މި ގޮތަށް ދަތުރު ކުރާ އިރުވެސް ދަތުރު މަތީގައި މާސްކް އެޅުމަކީ މެންޑޭޓްރީ ކަމެއް. ދަތުރުފަތުރު ކުރާ އެއްވެސް އެއްޗެއްގައި ދަތުރު ކުރާއިރު މާސް އަޅާން ޖެހޭނެ. އެއީ ބަލި ނެތް ރަށްރަށުން ދަތުރު ކުރާ ކަމުގައި ވިޔަސް.
04 August 2020, 16:52
ޢާއިޝަތު ޝާޒްލީން
ޑރ. ނަޒްލާ: ރަށްރަށަށް ކުރާ ސަޕްލައި ދަތުރުތައް ހުއްޓުވައެއް ނުލެވޭނެ. ވަރަށް ބައިވަރު އެސެންޝިއަލްސް މާލެއިން ރަށްރަށަށް ގެންދަންޖެހޭ. އެހެންވީމަ އެކަން އަޅުގަނޑުމެންނަށް ހުއްޓުވައެއް ނުލެވޭނެ.
04 August 2020, 16:49
ޢާއިޝަތު ޝާޒްލީން
ޑރ. ނަޒްލާ: ށ. ފުނަދޫ އަދި ބ. އޭދަފުށީގައި ހުރި ކޮވިޑް ފެސިލިޓީގައި އެއް ޕޭޝަންޓަށް ދަނީ ފަރުވާ ދެމުން.
04 August 2020, 16:46
ޢާއިޝަތު ޝާޒްލީން
ޑރ. ނަޒްލާ: މިވަގުތު ރާއްޖޭގައި 124 ވެންޓިލޭޓަރު އެބަހުރި. މިހާރު ރާއްޖޭގެ ހާލަތަށް ބަލާނަމަ މެނޭޖް ކުރެވޭ ވަރަސް ވެންޓިލޭޓަރު އެބަހުރި.
04 August 2020, 16:42
ޢާއިޝަތު ޝާޒްލީން
ޝަރީފް: ރޭގަނޑު 10 ގެ ފަހުން ހުއްދަ ދެވިފައިވާ އުޅަނދުފަހަރު ފިޔަވާ އިތުރު އުޅަނދަކަށް ނުދުއްވޭނެ
04 August 2020, 16:41
ޢާއިޝަތު ޝާޒްލީން
ނަޒްލާ: ރޭގަނޑު 10 ގެ ފަހުން ޑެލިވެރީގެ ހިދުމަތް ނުދެވޭނެ.
04 August 2020, 16:39
ޢާއިޝަތު ޝާޒްލީން
ސާމިޔާ: އެއްވެސް ސްޕޯޓްސް ޓީމެއްގެ އެއްވެސް އިވެންޓެއް ނުވަތަ ޓޯނަމަންޓެއް ނުބޭއްވޭނެ. މޫދުގައި ކަސްރަތު ކުރުމާއި ދުވަން ނުވަތަ ހިންގަންދާ ފަރާތްތަކުން އެކަނި ކަސްރަތު ކުރަން ދިއުން. ކަސްރަތު ކުރަން ދާ އިރު 5 މީހުންނަށް ވުރެ ގިނަ މީހުން އެކީގައި ކަސްރަތު ކުރަން ނުދިއުން
04 August 2020, 16:37
ޢާއިޝަތު ޝާޒްލީން
ސާމިޔާ: ކުރިއަށް އޮތް ދެ ހަފްތާއަށް މާލެ ސަރަހައްދުގައި ހުރި ސްކޫލްތައް ބަނދުކުރުމަށް ނިންމާފައިވޭ. ހަމައެއާއެކު މާލެ ސަރަހައްދުގައި ހުރި މިސްކިތްތަކުގައި ޖަމާއަތުގައި ނަމާދު ނުކުރުމަށްވެސް ވަނީ ނިންމާފައި. އަދި މި މަހުގެ 6 ވަނަ ދުވަހާ ހަމައަށް ސަރުކާރު އޮފީސްތައް ބަންދު ކުރުމަށާއި އޮންލައިންކޮށް ހިދުމަތް ދިނުމަށް ވަނީ ނިންމާފައި. ގޭގައި މަސައްކަތް ކުރެވޭ މީހުން "ވޯކް ފްރޮމް ހޯމް" ގޮތަށް މަސައްކަތް ކުރުން. ޒަރުރީ ކަމެއް ޖެހިގެން މެނުވީ އޮފީހުގެ 50 ޕަސެންޓް މީހުން ގޮސްގެން އޮފީހުގައި މަސައްކަތް ކުރާ ގޮތަށް ހަމަޖެއްސޭނެ
04 August 2020, 16:36
ޢާއިޝަތު ޝާޒްލީން
ސާމިޔާ: ރަށްރަށުގައި ބަލި ފެތުރުން ކޮންޓްރޯލް ކުރުމަށް ފުރަބަންދުގެ ކަރަންޓީނަށް ދެވޭނީ ކޮންމެހެން ދާން ޖެހޭ ފަރާތްތަކަށް.
04 August 2020, 16:29
ޢާއިޝަތު ޝާޒްލީން
ކޮވިޑާ ގުޅޭ ގޮތުން އަޅާ ފިޔަވަޅުތަކުގެ ތެރެއިން އެއްކަމަކަށް މާލެ ހުޅުމާލެ ވިލިމާލެ ގައި ރޭގަނޑު 10 އަކުން ފަތިހު 5 އަކަށް ކާފިއު އިއުލާންކޮށްފި. އަދި މަގުމަތީގައި އުޅެވޭ ވަގުުތުގައި 5 މީހުންނަށް ވުރެ ގިނަ މީޙުންނަށް އެއްވެ އުޅުން މަނާކުރުން . މި ގޮތަށް ހަމަޖެއްސީ މަގުމަތީގައި އުޅޭ މީހުންގެ މިންވަރު މަދުކުރުމަށް.
04 August 2020, 16:28
ހަފްތާއެއް ތެރޭ 4 މަރު، ޕޮޒިޓިވްވި މީހުންގެ އަދަދު 924 އަށް
ހަފްތާއެއް ތެރޭ 4 މަރު، ޕޮޒިޓިވްވި މީހުންގެ އަދަދު 924 އަށް ވަނީ އަރާފައި
https://thepress.mv/117470
04 August 2020, 16:25
ޢާއިޝަތު ޝާޒްލީން
ޑރ. ނަޒްލާ: އިތުރު އައިސޮލޭޝން ފެސިލިޓީތައް ހޯދަން މަސައްކަތް ކުރަމުން ދަނީ. މީގެ އިތުރުން އާރްއާރްޓީ ކެޕޭސިޓީވެސް އިތުރު ކުރަން ދަނީ މަސައްކަތް ކުރަމުން.
04 August 2020, 16:25
ޢާއިޝަތު ޝާޒްލީން
އެޗްއީއޯސީގެ ފަރާތުން ބާއްވާ ކުއްލި ނޫސްވެރިންގެ ބައްދަލުވުން ފަށައިފި. މި ނޫސްވެރިންގެ ބައްދަލުވުމުގައި ބައިވެރިވެވަޑައިގަތީ، އެޗްއީއޯސީގެ ތަރުޖަމާނު ޑރ. ފާތިމަތު ނަޒްލާ ރަފީގް އާއި ޕޮލިސީ ޕްލޭނިން އެންޑް އިންޓަނޭޝަނަލް ހެލްތް އައިޝަތު ސާމިޔާ އަދި ޗީޕް ސުޕްރިންޑެންޓް އޮފް ޕޮލިސް އަބްދުﷲ ޝަރީފް
ގިނަ ނުވާނެތަ؟ ގޭގައި މަސައްކަތްކުރެވެން އޮތްވާވެސް އޮފީހަށް ގެންދެވޭތޯ ވެރިން ބަލަނީ. ހީވަނީ މިމީހުންގެ ޖީބުން ދޭ މުސާރައެއްހެން. އަނެއްކާ މިގޭ އުޅޭ މަންޖެ ގޭގައި ހުރެގެން މަސައްކަތްކުރަނީ. އިންޓަނެޓް ބިލުވެސް ކަރަންޓުވެސް އޭނަގެ ޖީބުން. ދައުލަތުގެ މަސައްކަތް. މިކަންކަމަށްވެސް ގޮތެއް އޮންނަންވާނީ ކަނޑައެޅިފަ. ދެން ބުނޭ އާ ބައްޔެއްކޭ އާކަމެކޭ. ބަލަ ތައްޔާރުވާން މާރޗް މަހުން ފެށިގެން މިއަދާ ހަމައަށް ކިތައް މަސް މިވީ؟ އަރާތިބެގެން މޮޅެތި ވާހަކަ ނުދައްކާ ތިކަން ކުރެވޭވަރު ބަޔަކާ ހަވާލުކުރަންވެއްޖެއެއްނުން!!!