އަވަށްޓެރި އިންޑިއާއިން އަނެއްކާވެސް ރެކޯޑް އަދަދަކަށް ކޮރޯނާވައިރަސް ޑީޒީޒް (ކޮވިޑް-19)ގެ ކޭސް ރިޕޯޓް ކޮށްފިއެވެ.
އިންޑިއާގެ ސިއްހަތާ ބެހޭ ވުޒާރާއިން މިއަދު ހެނދުނު އާންމު ކުރި މައުލޫމާތަށް ބަލާއިރު، ފާއިތުވީ 24 ގަޑިއިރުގެ ތެރޭގައި އެގައުމުން ރެކޯޑް އަދަދެއްގެ ބަޔަކު ވަނީ ކޮވިޑް-19އަށް ޕޮޒިޓިވްވެފައެވެ.
ތަފާސް ހިސާބުތައް ދައްކާ ގޮތުގައި، ފާއިތުވީ 24 ގަޑިއިރުގެ ތެރޭގައި އިންޑިއާއިން 28701 އާ ކޭސް ވަނީ ފެނިފައެވެ. މިއާއެކު އިންޑިއާއިން ކޮވިޑް-19އަށް ޕޮޒިޓިވްވި މީހުންގެ އަދަދު 878254 އަށް އަރައެވެ.
ދުނިޔޭގެ ނިސްބަތުން ބަލާއިރު 3 ވަނައަށް އެންމެ ގިނަ އަދަދަކަށް ކޭސް ރިޕޯޓް ކުރަމުން ދަނީ އިންޑިއާއިންނެވެ. އިންޑިއާގެ ކުރިއަށް އޮތީ ބްރެޒިލް އަދި އެންމެ ގިނަ އަދަދެއްގެ ކޭސްތައް ރެކޯޑް ކޮށްފައިވާ އެމެރިކާއެވެ.
އިންޑިއާގައި މިވަގުތު އެކްޓިވް ކޭހުގެ ގޮތުގައި 301609 ކޭސް ރެކޯޑް ކޮށްފައިވާއިރު، ޝިފާ ލިބި، ބަލިން ރަނގަޅުވި މީހުންގެ އަދަދު 878254 އަށް އަރައެވެ.
