ކޮންމެ ގޮތަކަށް، ކޮންމެ ކަހަލަ ހެދުމެއް އެޅިއަސް ޖިންސީ ގޯނާ ކުރުމުގެ ހައްގެއް ނުލިބޭނެ ކަމަށް ޖެންޑާ މިނިސްޓަރު އައިޝަތު މުހައްމަދު ދީދީ ވިދާޅުވެއްޖެއެވެ.

ޖެންޑާ މިނިސްޓްރީ، އައިޖީއެމްއެޗް އަދި ޕީޖީ އޮފީސް ގުޅިގެން ބާއްވާ ޕްރެސް ކޮންފަރެންސްފައި ވާހަކަ ދައްކަވަމުން މިނިސްޓަރު ވިދާޅުވީ، ކޮންމެ ގޮތަކަށް، ކޮންމެ ކަހަލަ ހެދުމެއް އެޅިއަސް ޖިންސީ ގޯނާ ކުރުމުގެ ހައްގެއް ނުވަތަ އިއްފަތްތެރިކަން ފޭރިގަތުމުގެ ހައްގެއް ނުލިބޭނެ ކަމަށެވެ.

ޖެންޑާ މިނިސްޓަރު ވިދާޅުވީ، މިކަމާ ގުޅިގެން ޒުވާން އަންހެން ކުދިން އަޑު އުފުލާތީ އެކަމާ ވަރަށް ބޮޑަށް އުފާވެ ވަޑައިގަންނަވާ ކަމަށެވެ.

މިނިސްޓަރު ވިދާޅުވީ ޖިންސީ ގޯނާ ކުރުން ހުއްޓުވުމަށް ވަރަށްބޮޑަށް އަހްލާގީ މިންގަނޑުތަކާއި، މުޖުތަމައުގެ މިންގަނޑުތައް ބަދަލު ކުރަން ޖެހެ ކަމަށެވެ. ތުއްތު އިރުއްސުރެ އެކަކު އަނެކަކަކސް ގަދަރު ކުރަން ދަސްކޮށްދޭން ޖެހޭ ކަމަށް މިނިސްޓަރު ވިދާޅުވިއެވެ.

މިނިސްޓަރު ވިދާޅުވީ ކުއްޖަކު އުފަންވާއިރު އޮންނަނީ އެއކޮށް ފެންނަން ކަމަށާއި، އެންމެ ފުރަތަމ ނިވާ ކރުަނީ ލަދުވެތި ގުނަވަން ކަމަށެވެ. އަދި އުފަންވެ ގޮސް މަރު ޖެހެންދެން ވެސް ލަދުވެތި ގުނަވަން ރައްކާކުރާކަން ފާހަގަ ކުރައްވާ މިނިސްޓަރު ވިދާޅުވީ، އެ ގުނަވަން ރައްކާ ކުރާ ސަބަބު އެންމެނަށް ވެސް އެނގެން ޖެހޭ ކަމަށެވެ. އަދި އެކި އުމުރުފުރާގެ އެކި ކުދިންނަށް މިކަންކަމަށް ރައްކާތެރޮވި ގަދަރު ކުރަން ދަސްކޮށްދޭން ޖެހެ ކަމަށް އޭނާ ވިދާޅުވިއެވެ.

އެކަކު އަނެކަކަށް ގަދަރުކޮށް އިހްތިރާމްކުރުމަށް ބައްޓަންވެއްޖެނަމަ އެކަކު އަނެކަކަށް އަނިޔާ ކުރުމާއި ފުރައްސާރަ ކުރުން މަދުވެގެން ދާނެ ކަމަށް މިނިސްޓަރު ވިދާޅުވިއެވެ.

ހަބަރު ރޭޕް ޖިންސީ ގޯނާ ޖެންޑާ މިނިސްޓްރީ