ހައުސިން މިނިސްޓަރު ކަމުން އައިމިނަތު އާތިފާ ޝަކޫރު އިސްތިއުފާ ދެއްވުމާއެކު އެ މިނިސްޓްރީ އުވާލުމުން ބަދަލުގައި އެމްއާރުއެމް އަށް ދޭން މިނިސްޓްރީއެއް އުފައްދާ ވާހަކަ އެ ޕާޓީން ދޮގު ކޮށްފިއެވެ.

"ދަ ޕްރެސް" އަށް މައުލޫމާތު ދެއްވަމުން މޯލްޑިވްސް ރިފޯމް މޫވްމަންޓްގެ ސެކްރެޓަރީ ޖެނެރަލް (އެސްޖީ) އަބްދުލް އަލީމު ވިދާޅުވީ އެމްއާރުއެމްއަށް ދޭން އިތުރު މިނިސްޓްރީއެއް އުފައްދާ ވާހަކަ އަކީ ދޮގެއް ކަމަށެވެ.

އޭނާ ވިދާޅުވީ އެފަދަ ވާހަކައެއް ބައެއް މީޑިއާތަކުން ފެނިވަޑައިގެންނެވި ކަމަށާއި މިހާރުވެސް ކޯލިޝަން ބައިވެރިންނަށް ދޭން ހުރި އެތައް މަގާމެއް ނުދެވި ހުރި މިނިސްޓަރު ކަމުގެ މަގާމުވެސް އެލިސްޓަށް ވަދެ ނުދެވޭ މަގާމަކަށް ވެފައި ވާކަމަށް ދެކެވަޑައިގަންނަވާ ކަމަށެވެ. އަދި ބައެއް މީޑިއާގައި، އެ ޕާޓީއަށް ދޭން އިތުރު މިނިސްޓްރީއެއް އުފައްދާ ވާހަކަ އަކީ ދޮގެއް ކަމަށް އޭނާ ވިދާޅުވިއެވެ.

ބައެއް މީޑިއާތަކުގައި ރިޕޯޓު ކޮށްފައި ވަނީ ޖެންޑާ މިނިސްޓްރީ ދެބައިކޮށް އެމްއާރުއެމްއަށް ދޭން އުޅޭ ކަމަށެވެ.

https://thepress.mv/115388

ހައުސިން މިނިސްޓަރަކަށް ހުންނެވި އާތިފާ މިއަދު އިސްތިއުފާ ދެއްވުމުން އެ މިނިސްޓްރީ އުވާލައި އެ މިނިސްޓްރީގެ މަސައްކަތްތައް ޕްލޭނިން މިނިސްޓްރީގެ ދަށަށް ބަދަލު ކޮށް ޕްލޭނިން މިނިސްޓްރީގެ ނަން ރައީސް އިބްރާހިމް މުހައްމަދު ސޯލިހު މިއަދު ވަނީ ބަދަލު ކުރައްވާފައެވެ.

މިހާރު އެ މިނިސްޓްރީގެ ނަމަކީ މިނިސްޓްރީ އޮފް ނޭޝަނަލް ޕްލޭނިން، ހައުސިން އެންޑް އިންފްރާސްޓްރަކްޗަރެވެ.

އިބްރާހިމް މުހައްމަދު ސޯލިހް އެމްއާރްއެމް ސިޔާސީ