އިންޑިއާއަކީ މުސްލިމުންނާ އިސްލާމް ދިނާ މެދު އެހެން މީހުންގެ ހިތްތަކުގައި ބިރުވެރިކަން އުފެދޭ ގޮތަށް އަމަލުކުރާ ގައުމެއް ކަމަށް ބުނެ ޕާކިސްތާނުން ދެއްކި ވާހަކަތަކަކާ ގުޅިގެން، ދިވެހިރާއްޖެއިން އިންޑިއާގެ ދިފާއުގައި ތެދުވެއްޖެއެވެ.
ދާދިފަހުން ކުރިއަށް ދިޔަ އޯގަނައިޒޭޝަން އޮފް އިސްލާމް ކޯޕަރޭޝަން (އޯއައިސީ)ގެ ވާޗުއަލް ބައްދަލުވުމެއްގައި ޕާކިސްތާނުން އިންޑިއާއަށް ފާޑުކިއުންތަކެއް އަމާޒުކުރުމުން އޭގެ ރައްދުގައި ދިވެހިރާއްޖެއިން ވަނީ އިންޑިއާގެ ދިފާއަށް ތެދުވެ، މިފަދަ ކަމެއްގައި ހަމައެކަނި އިންޑިއާގެ ނަން ފާހަގަކޮށް ބަދުނާމު ކުރުމަކީ ހެކީގެ މައްޗަށް ބަލާއިރުވެސް ސައްހަ ވާހަކައެއް ނޫންކަމަށް ބުނެފައެވެ.
އިންޑިއާއިންދަނީ އިސްލާމުންނާ މެދު ބިރުވެރިކަމާ ނަފުރަތު އުފެދޭ އެޖެންޑާއެއް ޕްރޮމޯޓްކުރަމުން ކަމަށް ޕާކިސްތާނުން އދއަށް ކަނޑައަޅާފައި ހުންނަވާ މަންދޫބު މުނީރު އަކްރަމް ވިދާޅުވުމާއެކު، ދިވެހިރާއްޖެއިން ވަނީ، މިވަގުތު ދުނިޔޭގައި އޮތް އެންމެ ބޮޑު ޑިމޮކްރަސީ ކަމުގައިވާ އިންޑިއާއަކީ 200 މިލިއަނެއްހާ މުސްލިމުންގެ ވަޒަންކަން ފާހަގަކޮށް، މިފަދަ ތުހުމަތެއް އަމާޒުކުރުމަކީ ދެކުނު އޭޝިއާ ސަރަހައްދުގެ ސުލްހައަށް އޮތް ނުރައްކަލެއް ކަމަށް ބުނެފައެވެ.
ސޯޝަލް މީޑިއާގައި ދެކެވެމުންދާ ވާހަކައަކީ މުޅި ގައުމުގެ ހުރިހާ ރައްޔިތުންގެ ފިކުރުކަމަށް ބުނެވެން ނެތްކަމަށްވެސް ރާއްޖެއިން ވަނީ މި ބައްދަލުވުމުގައި ފާހަގަކޮށްފައެވެ.
މިމޭރުމުން އިންޑިއާގެ ދިފާއުގައި ވާހަކަދައްކަމުން ދިވެހިރާއްޖެއިން ވަނީ، މިފަހަކަށް އައިސް އިސްލާމީ ދައުލަތްތަކާ އިންޑިއާއާއި ދެމެދު ބަދަހިވެގެންދިޔަ ގާތް ގުޅުންތަކުގެ ވާހަކަވެސް ހިއްސާކޮށްފައެވެ. އެގޮތުން، ސައުދީ އަރަބިއްޔާ، އެކުވެރި އަރަބި އިމާރާތް، އަފްގާނިސްތާނު، ފަލަސްތީނު އަދި މޮރިޝަސް ފަދަ ގައުމުތަކާއެކު އިންޑިއާއިން ބާއްވާ ގާތް ގުޅުން ފާހަގަކޮށް، ދިވެހިރާއްޖެއިން ވަނީ، އެ ގައުމުތަކުން ފަރުދީ ފެންވަރުގައި ދޭ އެންމެ ޝަރަފުވެރި އެވޯޑްތައްވެސް އިންޑިއާގެ ބޮޑުވަޒީރު ނަރޭންދްރާ މޯދީއަށް އަރުވާފައިވާކަން ހަނދާންކޮށްދީފައެވެ.
ހަމަ މިއާއެކު، ދިވެހިރާއްޖެއިންވަނީ ދެކުނު އޭޝިއާގެ ގައުމުތައް އެކަތިގަނޑެއްގެ ގޮތުގައި މަސައްކަތް ކުރާނެ ގޮތްތަކެއް ހޯދުމަށްވެސް ގޮވާލާފައެވެ.
މިހާރު ދިވެހިރާއްޖެއަކީ ހަމައެކަނި އިސްލާމް ޤައުމެއްނޫނޭ. އެހެންއޮތްއިރެއް ހިގައްޖެ މިހާރު މިއީ މިނިވަން މުސްތަޤިއްލު ހުރިހާ ބަތަކަށް ރިހައެޅޭ ޙާލުގައި އޮތް އަމިއްލަބާރުކެނޑި ހުރިހާ ދީނަކަށް އުޅެވޭ އިންޑިޔާއަށް ސަޖިދަޖަހަން ޖެހިފައިވާ ޤައުމެއް. ދެން ޕާކިސްތާނަކީ ޓެރަރިސްޓުން އުފައްދާ ޤައުމެއް. އެޤައުމުން ޢިލްމުއުގެނުނު ރާއްޖެމީހުންވެސް މިވަނީ ޓެރަރިސްޓުންނަށް. އެހެންވީމާ ދެންވިސްނާލާ އިންޑިޔާގެ ދިފާޢުގައި ރާއްޖެ ނުތެދުވެ ކިހިނެއް ދެކޮޅުޖެހެނީ. މިޤައުމު؛ގައި 2018 ވަނައަހަރުގައި އިންތިޚާބުވެގަތް ސަރުކާރަކީ އިންޑިޔާއިންގެނައި ސަރުކާރެއް. ދެންކީއްވެ. ރައީސް ހުވާކުރެއްވި ކާއިނާތުގެ ކުލަޔަކީ ސުވާމީޖީގެ ކުލަ. ރަސްމިއްޔާތުގައި ސްޕްރީމްކޯޓުގެ އުއްތަމަފަޑިޔާރު ހުރީ ދެވަނައިގަ. ގެރިބޭބޭ ހުރީ އެންމެކުރީ. މިކަން ނުދަންނާނެ ދިވެއްސެއް ނިހިންނާނެ. އިންޑިއާގެ އެހެންވީމާ މިޤައުމުގައި މިހާރުއޮތީ އިންޑިޔާގެ ގޮނޑިކޮއްކޮ ސަރުކާރެއް. މިޤައުމުގެ މިހާރުތިބި އިސްވެރީން ޖެހޭނެ އިންޑިޔާގެ ދިފާޢުގައި އަގައިން ޤްރުބާނީވާން. އެބަޔަކަށް ކުރެވުނުވަރެއްތާ ވާނީ.
އިންޑިޔާއިން ހަރުކަށި ފިކުރުގެ މުސްލިމުން ސާވައިލެންސް ކުރެވި އެމީހުނަށް ފިޔަވަޅު އެޅެންޔާ، ތިޔަބުނާ ހަރުކަށި ފިކުރުގެ ހިންދޫން، ނުވަތަ އެހެންދީތަކުގެ މީހުނާމެދުވެސް އެޅެވެންޖެހޭނެއެވެ. ސޯޝަލް މީޑިޔާގައިވެސް އެކިއެކި ދީންތަކާ މެދު ނަފްރަތު އުފެދޭފަދަ ވާހަކަ ދެކެވުމުގެ ފުރުޞަތު ދެވިގެންނުވާނެެއެވެ. މިކަންތައްތަކާ ދެކޮޅަށް އިންޑިޔާ ސަރުކާރުން ފިޔަވަޅުތަކެއް އަޅާތަނެއް ނުފެނެއެވެ. އެހެންނޫނަސް، މުސްލިމުން އުޅޭ ގޭގެ އަންދައިލުން، އެމީހުނަށް އަނިޔާ ކުރުން، މީކީ ސޯޝަލް މީޑިޔާގައި ހަމައެކަނި ހިނގާކަންތައްތަކެއް ނޫނެވެ. އަދި ޕޮލިހުންގެ ފަރާތުންނާއި، ސިޔާސީ ފަރާތްތަކުންވެސް މުސްލިމުންނާ ދެކޮޅު ބަސް، އަދި ޢަމަލުތައްވެސް ފަހަކަށް އައިސް އިތުރުވެފައިވާކަން ފެނެއެވެ. ސަރުކާރުން މިކަންތައްތަކާ ދެކޮޅަށް މާބޮޑު ކަމެއް ކުރާތަނެއްވެސް ނުފެނެވެ. އެހެންވީމަ، މިހާރުގެ ސަރުކާރަކީ މުސްލިމުންނާ ދޭތެރޭ ނަފްރަތުގެ ނަޒަރަކުން ދެކޭ ބައެއްގޮގައި ބުނެވިދާނެވެ. އަދި ދިވެހި ސަރުކާރުންވެސް މިދެންނެވި ފަދަ މުސްލިމުންނާ ދެކޮޅަށް ހިންގާ ބޭއިންޞާފު ޢަމަލުތައް ހުއްޓުވުމަށް އިންޑިޔާ ސަރުކާރުން ޢަމަލުތައް އިތުރުކުރުމަށް ގޮވާލެވެންވާނެވެ. އަހަރުމެން އެދެނީ އިންޑިޔާއާއި ގުޅިގެން ކުރިއަރާށެވެ. އަވައްޓެރި ޤައުމެއްވީމަ، އެ ލޯބި ހުރެއެވެ.