ލަންކާގައި ތިބި ދިވެހިން ރާއްޖެ ގެނައުމަށް ހަމަޖެއްސި ޗާޓަރު ފްލައިޓުތަކުން ދަތުރުކުރާ ކޮންމެ މީހަކަށް 4600 ރުފިޔާ ނަގާކަން ހާމަވެއްޖެއެވެ.
'ދަ ޕްރެސް' އަށް މައުލޫމާތު ލިބިފައިވާ ގޮތުގައި، ލަންކާގައި ތިބި ދިވެހިން ރާއްޖެ ގެނައުމަށް ހަމަޖައްސާފައިވާ ޗާޓަރު ފްލައިޓުން ދަތުރުކުރާ ކޮންމެ މީހަކަށް 4626 ރުފިޔާ ދައްކަން ޖެހެއެވެ.
ނަމަވެސް، މިކަމުގައި ސުވާލު އުފެދޭ ބައެއް ކަންކަން އެބަހުއްޓެވެ. މޯލްޑިވިއަނުން ބައެއް ފަރާތްތަކަށް މައުލޫމާތު ދީފައިވާ ގޮތުގައި، 1333 ރުފިޔާއަށް ބޮޑުމީހަކު އަދި 86 ރުފިޔާއަށް ތުއްތުކުއްޖަކަށް މި ފްލައިޓުން ޖާގަ ލިބެއެވެ. ނަމަވެސް، އެހެން ބައެއް ފަރާތްތަކަށް މައުލޫމާތު ދީފައިވާ ގޮތުގައި، ދަތުރުކުރާ ކޮންމެ މީހަކަށް 4626 ރުފިޔާ ދައްކަން ޖެހެއެވެ.
ޗާޓާރު ފްލައިޓުތަކުގެ ދަތުރުތަކުގެ އަގުތަކާ ގުޅިގެން މައުލޫމާތު ސާފު ކުރުމަށް 'ދަ ޕްރެސް' އިން މޯލްޑިވިއަންނަށް ގުޅި ނަމަވެސް، މިކަމުގެ މައުލޫމާތު ސާފުވާގޮތް ވަނީ ނުވެފައެވެ. މޯލްޑިވިއަންުގެ ކަމާބެހޭ ބޭފުޅުން ވިދާޅުވަނީ ފަހުން ގުޅުމަށެވެ. ފަހުން ގުޅީމައި ފޯނަކަށް ޖަވާބެއް ނުދެއްވިއެވެ.
މިއީ އެކި މުއައްސަސާތައް ގުޅިގެން ހަމަޖައްސާފައިވާ ފްލައިޓު ތަކަކަށް ވާއިރު، ލަންކާގައި މިހާރު ތިބި ފަރާތްތަކުގެ ތެރޭގައި ޗާޓާރު ފްލައިޓަށް ފައިސާ ދެއްކެން ނެތް ފަރާތްތަކާމެދު އަމަލު ކުރަން ކަނޑައަޅާފައިވާ ގޮތަކީ ކޮބާތޯ ފޮރިން މިނިސްޓްރީއާ ސުވާލު ކުރުމުން އެ މިނިސްޓްރީން ބުނީ، އަދި އެފަދަ ފަރާތްތަކާ މެދު އަމަލު ކުރާނެ ގޮތެއް ކަނޑައަޅާފައި ނުވާ ކަމަށެވެ. އަދި ނިންމުއް ނިންމާހާ އަވަހަކަށް އެކަން ހާމަ ކުރާނެ ކަމަށް ވެސް އެ މިނިސްޓްރީން މައުލޫމާތުދެއެވެ.
މީގެ އިތުރުން، ރޭ ދަރުބާރުގޭގައި ބޭއްވި ނޫސްވެރިންގެ ބައްދަލުވުމުގައި މަބްރޫކް ވިދާޅުވީ، ޗާޓަރު ފްލައިޓުތައް ހަމަޖެހިފައި ވަނީ، ކުއްލި އަކަށް ކަމަށާއި، އެ ފްލައިޓުތަކުން ދަތުރުކުރާ ފަރާތްތަކުގެ ޓިކެޓަށް ހަރަދު ކުރަން ޖެހޭނީ ކިހާވަރެއްތޯ ބެލުމުގެ މަސައްކަތް ކުރަމުންދާ ކަމަށެވެ. އަދި އޭގައި ސާފު އަދަދެއް ދަންނަވަން ދަތި ކަމަށް އޭނާ ވިދާޅުވިއެވެ.
ތިތާތިހުރީ ވަރަށް ނުލަފާ އަންހެނެއް ޖެނީފާ
ބައްޔެއްނުން!!! ދެން އެމީހުން ގެންނަންވީ ހިލޭތަ؟ މީގެ ކުރިންވެސް އެމީހުން ރާއްޖޭން ބޭރަށް ގޮސް އައިސް ހަދަނީ އަމިއްލަ ލާރީގައޭ.