އަބަދަށްފެހި މަގުގައި ހުރި ގުދަނެއްގައި އަނެއްކާވެސް އަލިފާނުގެ ހާދިސާއެއް ހިނގައިފި ކަމަށް ލިބުނު ހަބަރާ ގުޅިގެން ފަހުން އެމްއެންޑީއެފުން ބުނީ ގުދަނުގައި ރޯ ނުވާ ކަމަށާއި ގުދަން ތެރެއިން ދުން އެރީ، ޖެހިގެން ހުރި ގޭގައި އުޅޭ ބަޔަކު ކުކުޅު ފިހަނިކޮށް ގުދަން ތެރެއަށް ދުން ވަދެގެން ކަމަށެވެ.
އެމްއެންޑީއެފުން ބުނީ، ހ. އަބަދަށްފެހި މަގުގައި ހުރި ނިއު ކެއާ އިންވެސްޓްމަންޓުގެ ގުދަނުން ދުން އަރާތީ އެމްއެންޑީއެފް ފަޔާ އެންޑް ރެސްކިއު ގޮސް ބެލި އިރު ދުން އެރީ ޖެހިގެން ހުރި ގޭގެ 2 ވަނަ ފަންގެފިލާގައި އުޅޭ ބޭރު ބަޔަކު ކުކުޅު ފިހަން އަވަން ޖައްސައިގެން އުޅެނިކޮށް ގުދަނަށް ދުން ވަދެގެން ކަމަށެވެ.
އެމްއެންޑީއެފުން މިހެން ބުނި އިރު، އެ ގުދަނާ ޖެހިގެން ވަށައިގެން ހުރި ގޭގޭގެ ތެރެއިން ގެއެއްގެ މީހަކު ބުނީ، ގުދަން ތެރެއިން ދުން އަރަން ފެށީމާއި ބަންގާޅީއަކު (ބަންގުލަދޭޝް މީހަކު) ދުވަމުން ދުވަމުން ބޭރަށް ނުކުމެގެން ދިޔަ ކަމަށެވެ.
ކުކުޅު ފިހަން އުޅެނިކޮށް ޖެހިގެން ހުރި ގުދަނުގެ ތެރެއަށް ދުން ވަދެ ގުދަނުން ބޭރަށް ދުން ނުކުންނަ ވަރު ވެގެން ދިޔައިމާ އެ ސަރަހައްދުގައި ދިރިއުޅޭ ބައެއް މީހުން ގަބޫލު ކުރީ އަލިފާނުގެ ހާދިސާއެއް ކަމަށެވެ.
