ގދ.ގައްދޫ ގެއެއްގެ ތެރޭގައި ހުރި ސައިކަލެއްގައި ރޯކޮށްލައިފިއެވެ.
ފުލުހުން ބުނީ ގައްދޫ ގެއެއްގެ ގޯތިތެރޭގައި ހުރި ސައިކަލެއްގައި އަލިފާން ރޯކޮށްލާފައިވާ ކަމުގެ މައުލޫމާތު ރޭ ފަތިހު 4:40 ހާއިރު ލިބިފައިވާ ކަމަށެވެ.
އަދި އެ މައުލޫމާތު ފުލުހުންނަށް ލިބުމާއެކު އެ ގެއަށްގޮސް ފުލުހުންނާއި އާންމުންވެގެން ސައިކަލުގައި ރޯވެފައިވާ އަލީފާންގަނޑު ވަނީ ނިއްވާލާފައި ކަމަށްވެސް ފުލުހުން މައުލޫމާތު ދެއެވެ.
އެ ހާދިސާފައި ސައިކަލު ވަނީ ބޭނުންނުކުރެވޭ ވަރަށް އަނދާފައި ކަމަށްވެސް ފުލުހުން ބުނެއެވެ.
މި ހާދިސާގައި އަދި މިހާތަނަށް މީހަކު ހައްޔަރުކޮށްފައި ނުވާކަމަށާއި މި މައްސަލަ ފުލުހުން ދަނީ އިތުރަށް ތަހުގީގު ކުރަމުން ކަމަށް ފުލުހުން ބުނެއެވެ.
އަލިފާނުގެ ހާދިސާއެއް ހިނގާފައި ވާއިރު، މިދިޔަ އޮކްޓޫބަރު މަހުގެ 22 ވަނަ ދުވަހު ވަނީ ހދ. ކުުޅުދުއްފުށީ ގެއެއްގެ ތެރޭގައި ހުރި ސައިކަލެއްގައި ބަޔަކު މީހުން ގަސްދުގައި ރޯކޮށްލާފައެވެ. އަދި މި މައްސަލައިގައި ވަނީ މީހަކު ހައްޔަރުވެސް ކޮށްފައެވެ.
