ވެލާނާ އިންޓަނޭޝަނަލް އެއާޕޯޓަށް ފުރަން ގޮސް ތިބި ދެ ފަތުރުވެރިން އެމީހުން އަތުގައި ބޮމެއް އޮތް ކަމަށް ބުނެ އިންޒާރުދިން މައްސަލާގައި މީހަކު ހައްޔަރު ނުކުރާ ކަމަށް ފުލުހުން ބުނެފިއެވެ.
ފުލުހުން ބުނީ މިއަދު ހެނދުނު 7:51 ހާއިރު ވީއައިއޭއަށް ފުރަން ގޮސްތިބި ސްވިޒަލެންޑާއި ސެނެގަލްގެ ދެ ފަތުރުވެރިންގެ ދަބަސް އެއާޕޯޓް އޭވިއޭޝަނުގެ މުވައްޒަފުން ޗެކް ކުރަން އުޅެނިކޮށް އެ މުވައްޒަފުންނަށް އިންޒާރު ދީފައިވާ ކަމަށެވެ. އެގޮތުން އެ މީހުން އަތުގަިއ ބޮމެއް އޮތް ކަމަށް ބުނެ އިންޒާރު ދިން މައްސަލަ ފުލުހަށް ހުށަހަޅާފައިވާ ކަމަށް ފުލުހުން ބުނެއެވެ.
ފުލުހުން ބުނީ، އެ ދެ ފަތުރުވެރިން އޭރު ތިބީ މަސްތުގެ ހާލަތުގަިއ ކަމަށް ބެލެވޭ ކަމަށެވެ. އަދި މިކަމާ ގުޅިގެން ބަލަން ޖެހޭ ކަންކަން ބަލަމުންދާ ކަމަށާއި، މި މައްސަލާގައި މިހާތަނަށް މީހަކު ހައްޔަރުކޮށްފައި ނުވާ ކަމަށް ފުލުހުން މައުލޫމާތުދެއެވެ.
