ކ. ކަގި ފަރަށް އެރި މުދާ އުފުލާ ދޯނީގެ ކައްޕި ގެއްލުނު މައްސަލަ ފުލުހުން ތަހުގީގު ކުރަން ފަށައިފިއެވެ.
ފުލުހުން ބުނީ މި މައްސަލަ ތަހުގީގު ކުރަން ފަށާފައި ވާ ކަމަށެވެ. އަދި މި މައްސަލަ ފުލުހުންނަށް ހުށަހަޅާފައި ވަނީ އެމްއެންޑީއެފުން ކަމަށްވެސް ފުލުހުން މައުލޫމާތު ދެއެވެ.
މި މައްސަލަ ހުށަލަޅާފައި ވަނީ މިއަދު ހެނދުނު 9:00 ހާއިރު ކަމަށްވެސް ފުލުހުން މައުލޫމާތު ދެއެވެ.
މީގެ އިތުރުން ފުލުހުން ބުނީ އެ ދޯނި ފަރަށް އަރައިގެން އުޅޭ ކަމުގެ މައުލޫމާތު ފުލުހުންނަށް ހުށަހަޅާފައި ނުވާ ކަމަށެވެ.
އެ ދޯނި ފަރަށް އެރިއިރު އެ ދޯނީގައި ތިބީ ދެ ބިދޭސީންނާއި ދިވެއްސަކު ކަމަށް މައުލޫމާތު ލިބިފައި ވާ ކަމަށާއި ގެއްލިގެން ހޯދަމުން ދަނީ 37 އަހަރުގެ ދިވެހި މީހާ ކަމަށް ފުލުހުންނަށް ހުށަހަޅާފައި ވާ ކަމަށެވެސް ފުލުހުން މައުލޫމާތު ދެއެވެ.
އެ މީހާ ހޯދުމުގެ މަސައްކަތް ކުރަމުން ދާ ކަމަށާއި އެ މައްސަލަ ތަހުގީގު ކުރަމުންދާ ކަމަށް ފުލުހުން މައުލޫމާތު ދެއެވެ.
މިދިޔަ އާދިއްތަ ދުވަހު ފަރަށް އެރި މުދާ އުފުލާ "ޓީޓީއެސް ފާން" ދޯނިން ގެއްލިގެން ހޯދަމުން ދަނީ ހދ. ކުޅުދުއްފުށީ ހަވީރީނާޒް، 37 އަހަރުގެ މުހައްމަދު ޔޫސުފެވެ.
ދޯނީގެ ކައްޕި މުހައްމަދު ޔޫސުފް، ގެއްލިގެން ހޯދާއިރު، އެ ދޯނި ފަރަށް އެރިފަހުން ވެސް ތިން މީހަކު ދޯނީގައި ތިބިކަމަށް މައުލޫމާތު ލިބިފައި ވެއެވެ. ދޯނި ފަރަށް އަރާފައި އޮއްވައި، ސޯޝަލް މީޑިއާގައި ދައުރުވާ ފޮޓޯއިން ވެސް އޭގައި ތިން މީހަކު ތިބި ތަން ފެނެއެވެ. އެ ފޮޓޯ އިން ފެންނަ ގޮތުގައި ދޯނީގެ ކޮޅުފަސްކޮޅުގައި ދެ މީހުން ތިބި އިރު ވީލްހައުސް ކައިރީގައި އެކަކު ހުއްޓެވެ.
