ސްރީލަންކާގެ ފުލުހުން ހަ ދިވެއްސަކު ހައްޔަރުކޮށްފިއެވެ.
ފޮރިން މިނިސްޓްރީގެ ކޮމިއުނިކޭޝަންސް ޑައިރެކްޓަރު މިއުވާން ވިދާޅުވީ ސްރީލަންކާ ފުލުހުންގެ ބެލުމުގެ ދަށަށް މިއަދު 6 ދިވެއްސަކު ގެންގޮސްފައިވާ ކަމަށެވެ. އަދި ގެންދެވުނު 6 ދިވެއްސަކަށް ކޮޅުނބުގައި ހުންނަ ދިވެހިރާއްޖޭގެ އެމްބަސީއިން ގެންދަނީ ކޮންސިއުލާ އެހީތެރިކަން ފޯރުކޮށްދެމުން ކަމަށެވެ. އެމްބަސީގެ ކޮންސިއުލާ ސްޓާފުން މިވަގުތު ޕޮލިސް ސްޓޭޝަންގައި ދަނީ ހަރަކާތްތެރިވަމުން ކަމަށް މިއުވާން ވިދާޅުވި އެވެ.
"ދަ ޕްރެސް" އަށް އެނގިފައިވާ ގޮތުގައި ލަންކާ ފުލުހުންގެ ބެލުމުގެ ދަށަށް ގެންދިޔަ މީހުންގެ ތެރޭގައި 3 ކުޑަކުދިން ހިމެނެއެވެ. އަދި މި އެންމެންވެސް ގެންގޮސްފައިވަނީ ޕާސްޕޯޓާއި ވިސާއާ ގުޅޭ ކަންކަމުގައިކަންވެސް ވަނީ އެނގިފައެވެ.
އިތުބާރު ހުރި މަސްދަރަކުން "ދަ ޕްރެސް" އަށް ބުނީ، ފުލުހުންގެ ބެލުމުގެ ދަށަށް ގެންދިޔަ މީހުންގެ ތެރެއިން އެކަކު މުއްދަތު ހަމަވެފައި އޮތް ޕާސްޕޯޓުގައި ލަންކާގައި އުޅޭތާ އެތައް މަހެއް ވެއްޖެކަމަށެވެ. އަދި ހައްޔަރު ކުރި މީހުންގެ ތެރޭގައި އަންހެނަކުވެސް ހިމެނެއެވެ. އެ އަންހެން މީހާއަކީ ހައްޔަރަކު ކުރި 3 ކުޑަކުދިންގެ މަންމަ ކަންވެސް ވަނީ އެނގިފައެވެ.
ލަންކާގައި ދިރިއުޅޭ ބައެއް ދިވެހިން އެ ގައުމުގެ އިމިގްރޭޝަން ގާނޫނާ ހިލާފުވުމުން މީގެކުރިން ވެސް ލަންކާގެ ފުލުހުންގެ ބެލުމުގެ ދަށަށް ގެންގޮސްފައިވެ އެވެ.
މީ ލަންކާތަ