އުރީދޫގެ މުޅިން އާ ހިތްމަތެއް ކަމަށްވާ "ވައިފައި ކޯލިންގް" ރާއްޖެއަށް ތައާރަފު ކޮށްފި އެވެ.
އުރީދޫއިން މުޅިން އަލަށް ތައާރަފު ކުރި މި ހިދުމަތަކީ ވައިފައި ބޭނުން ކޮށްގެން ގުޅައިލެވޭ ޓެކްނޮލޮޖީއެއް ކަމަށްވާ “ވޮއިސް އޯވާ ވައިފައި” (ވައިފައިކޯލިން) އެވެ. މި ހިދުމަތް ރަސްމީކޮށް ލޯންޗްކޮށްފައި ވަނީ މިރޭ ހުޅުމާލޭގައި ކުރިއަށް ގެންދިޔަ އުރީދޫ ކަލަރަން މިއުޒިކް ފެސްޓިވަލްގައި، ކޮމިއުނިކޭޝަން މިނިސްޓަރު މުހައްމަދު މަލީހު ޖަމާލެވެ. މިނިސްޓަރު މަލީހުގެ އިތުރުން އުރީދޫގެ ސީއީއޯ ނަޖީބު ހާންވެސް ބައިވެރިވެ ވަޑައިގެންނެވިއެވެ.
"ވައިފައި ކޯލިން" މެދުވެރިކޮށް ފޯނުގެ ރޭންޖް ދަށް ހިސާބުތަކުގަ އާއި ފްލައިޓް މޯޑްގައި އޮންނަ ވަގުތުތަކުގައިވެސް ގުޅައިލެވޭނެއެވެ. މި ހިދުމަތަކީ އެޗްޑީ ކޮށް ގުޅައިލެވޭ ހިދުމަތެކެވެ. އެހެންކަމުން މި ހިދުމަތް ބޭނުން ކުރެވޭނީ ވަކި ހާއްސަ ފޯނުތަކުގައެވެ. އޭގެ ތެރޭގައި އައިފޯން 11 އާއި ވާވޭ ޕްރޯ އަދި ޕީ10 ފަދަ ފަހުގެ ޓެކްނޮލޮޖީގެ ފޯނުތައް ހިމެނެއެވެ. އުރީދޫއިން ބުނީ މި ހިދުމަތް ބޭނުން ކުރުމުން ޗާޖު ކުރާނީ މިހާރުވެސް އުރީދޫގެ ކޯލިން ރޭޓުތަކާ އެއް އަގެއް ކަމަށެވެ.
އުރީއޫއިން އަންނަނީ ފަހުގެ ޓެކްލޮނޮލީގެ ވަސީލަތްތައް ރާއްޖެއަށް ތައާރަފު ކުރަމުންނެވެ.
ރައްޔިތުންފެލަނީ