މާލޭގައި ބިދޭސީން އުޅޭ ގެއެއްގައި ބަނގުރާ ކައްކަން އުޅެނިކޮށް ގޮދަޑިއެއްގައި ރޯވެއްޖެއެވެ. އެ ހާދިސާ ހިނގާފައި ވަނީ މއ ފަސްތަރި ގޭގައެވެ. މަންޒަރު ދުށް މީހެއް "ދަ ޕްރެސް" އަށް ބުނީ، އަލިފާން ރޯވެ ބޭރަށް ދުން ނުކުމެފައި ހުރި ކަމަށާއި، ނަމަވެސް ބޮޑުވަރެއް ނުވާ ކަމަށެވެ.
އަލިފާނުގެ މައުލޫމާތު ލިބުމާއެކު ފުލުހުންނާއި އެމްއެންޑީއެފްގެ ފަޔާ އެންޑް ރެސްކިޔު ޓީމުން އެތަނަށް ގޮސް ވަނީ ހަރަކާތްތެރިވެފައެވެ.
ފުލުހުން ބުނީ، އެ ހާދިސާގެ މައުލޫމާތު ލިބުނީ މިއަދު ހެނދުނު ކަމަށާއި، އިތުރަށް ބެލި ބެލުމުން އެގޭގައި ބަނޑުރާ ކައްކާކަން ވަނީ އެނގިފައި ކަމަށެވެ. "ދަ ޕްރެސް" އަށް އެނގިފައިވާ ގޮތުގައި، ބަނގުރާ ކައްކަނިކޮށް އަލިފާން ރޯވުމުން އެކަމުގައި ތިބި މީހުން ފިލަން އުޅެނިކޮށް ފުލުހުން ވަނީ އެމީހުން އަތުލާފައެވެ.
އެ ހާދިސާފައި ފިލަން އުޅުނީ 3 ބިދޭސީއެކެވެ.
މާލެއަކީ އާދަޔާ ހިލާފު ގިނައިން ބިދޭސީން ދިރިއުޅޭ ރަށަކަށް ވެފައި ގާނޫނާއި ގަވާދާ ހިލާފު އެތައް ކަމެއް ހިންގާ އިރު އެކަންކަން ހުއްޓުވުމުގައި ކަމާ ގުޅޭ ފަރާތްތައް ވަނީ ނުކުޅެދިފައެވެ.
