އިއްޔެ ބޭއްވި ރައްޔިތުންގެ މަޖިލީހުގެ ޖަލްސާގައި އައްޑޫ މީދޫ ދާއިރާގެ މެންބަރު ރޮޒައިނާ އާދަމް އެމްއެމްޕީއާރުސީން ވައްކަން ކުރައްވައިފާވާ ކަމަށް ކާށިދޫ ދާއިރާގެ މެންބަރު އަބްދުﷲ ޖާބިރު ތުހުމަތު ކުރައްވާފައި ވުމާ ގުޅިގެން، ރޮޒައިނާ އޭނާއަށް ރައްދު ދެއްވައިފިއެވެ.
އިއްޔެގެ ޖަލްސާގައި ޖާބިރު ވަނީ، ރައީސް އިބްރާހިމް މުހައްމަދު ސޯލިހަށާއި ރޮޒައިނާ އަށް ވައްކަމުގެ ތުހުމަތު ކުރައްވާފައެވެ. ޖާބިރު ރޮޒައިނާއަށް ވައްކަމުގެ ތުހުމަތު ކުރެއްވުމުން ރޮޒައިނާ ވެސް ވަނީ އެކަމަށް ރައްދު ދެއްވާފައެވެ. އެގޮތުން، އޭނާގެ ބަހުގެ ހަމަލާ ޖާބިރަށް އަމާޒު ކުރައްވަމުން ރޮޒައިނާ ވަނީ އެހެން ގައުމުތަކުގައި ވެސް ރޭންޑަމް ޓެސްޓިން ހަދާކަން ފާހަގަ ކުރައްވާ، މަޖިލީހުގައި އަލްކަހޯލް ޓެސްޓު ހެދޭ ގޮތަށް ބެހެއްޓުން ވަރަށް މުހިންމު ކަމަށް ވިދާޅުވެފައެވެ.
އިއްޔެގެ ޖަލްސާގައި ޖާބިރު ވަނީ ރޮޒައިނާ އެމްއެމްޕީއާރުސީން ވައްކަން ކުރައްވައިގެން ގެސްޓް ހައުސްތައް އަޅުއްވާފައިވާ ކަމަށް ތުހުމަތު ކުރައްވަމުން ކޮރަޕްޝަންގެ އެ މައްސަލަ ބަލަންޖެހޭ ކަމަށާއި މާލިއްޔަތު ކޮމެޓީގެ މުގައްރިރަކަށް ރޮޒައިނާގެ ފިރިކަލުން އިންނަވައިގެން އެ މައްސަލަ ރަނގަޅަށް ބެލޭނީ ކިހިނެއްތޯ އައްސަވާ ސުވާލު އުފައްދަވާފައެވެ. ޖާބިރު ވަނީ މާލިއްޔަތު ކޮމިޓީގެ މުގައްރިރަކަށް އިންނަވާ ރޮޒައިނާގެ ފިރިކަލުން މުހައްމަދު ނާޝިޒް އެމަގާމުގައި އިންވާތީ ކަންބޮޑުވުން ފާޅުކުރައްވާފައެވެ.
މި ތުހުމަތު ތަކަށް ރައްދު ދެއްވަމުން ރޮޒައިނާ ވިދާޅުވީ، ޖާބިރުގެ ނަފްރަތު އޭނާއަށް އަމާޒުވީ، ޖާބިރުގެ އަނބިކަނބަލުން ދިޔާނާ ސައީދު ފަނޑިޔާރު ކަމަށް ނުހޮވުމުން ކަމަށެވެ. އެގޮތުން ޖާބިރު ވަނީ، ދިޔާނާ 'ކަޓުވާލަން' ރޮޒައިނާ އަދި ރައީސް ސޯލިހް މަސައްކަތް ކުރެއްވި ކަމަށް ތުހުމަތު ކުރައްވާ މަޖިލީހުގެ ސައިކޮޓަރީގައި އަޑުގަދަ ކުރައްވާފައި ކަމަށް ރޮޒައިނާ ވިދާޅުވިއެވެ. ރޮޒައިނާ ވިދާޅުވީ ސައިކޮޓަރީގައި، ދިޔާނާ 'ކަޓުވާލަން' އުޅުނު ކަމުގެ ތުހުމަތު ކުރެއްވުމަށްފަހު ތަޅުމުގައި އޭނާއާ ރައީސް ސޯލިހަށް ވަގަށް ގޮވުމަކުން ދިޔާނާ މަގާމަކަށް ނުލެއްވޭނެ ކަމަށާއި، ދިޔާނާ މަގާމަށް ނުހޮވުނީ ޖާބިރު އުޅުއްވާ ވައްތަރުން ކަމަށެވެ. އަދި ޖާބިރު އުޅުއްވާ ވައްތަރުން މީހުން ދިޔާނާއަށް ވޯޓުލާން ބިރުގަތީ ކަމަށް ވެސް ރޮޒައިނާ ވިދާޅުވިއެވެ.
އޭނާއަށް ކޮށްފައިވާ ވައްކަމުގެ ތުހުމަތުތައް ދޮގު ކުރައްވަމުން ރޮޒައިނާ ވަނީ އޭނާއަށް ވަގަށް ގޮވޭނެ އެއްވެސް ޖާގައެއް ނޯންނާނެ ކަމަށާއި، އޭނާއާ ގުޅޭގޮތުން ތަހުގީގެއް ހިންގާނެ ޖާގަ އެއްވެސް ނޯންނާނެ ކަމަށް ވިދާޅުވެފައެވެ.
އިއްޔެގެ ޖަލްސާގައި ރައީސް ސޯލިހަށް ވައްކަމުގެ ތުހުމަތު ކުރައްވަމުން ޖާބިރު ވަނީ، އޮޕަރޭޝަންތައް ޖައްސައިގެން ރައީސް ސޯލިހް މަގާމުން ދުރުކުރުމަށް އެމްޑީޕީގެ ހުރިހާ އެކްޓިވިސްޓުން އަރިހުން ނުކުތުމަށް އެދިވަޑައިގެންފައެވެ. ޖާބިރު ވިދާޅުވީ، ރައީސް ސޯލިހު ރައްޔިތުންގެ މަޖިލީހުގައި 26 އަހަރު އިންނެވުމަށްފަހު، އެމްޑީޕީއަށް ލިބުނު ވެރިކަން މަކަރާއި ހީލަތުން ރައްޔިތުންގެ މަޖިލީހުގެ ރައީސް، ރައީސް މުހައްމަދު ނަޝީދުގެ އަތްޕުޅުން ފޭރިގެންފައިވާ ކަމަށެވެ.
ފުރަތަމަ ޗެކުކުރަންވާނީ މަޖިލިސްގެ ރައީސް