މާލޭގައި ކުދިންތަކެއް ކެމިކަލް ވަގަށް ނަގާ، ގޮވާ ތަކެއްތި ހަދަން އުޅޭތީ ފުލުހުން ބަލާ ފާސްކުރަން ފަށައިފިއެވެ
ފުލުހުން ބުނީ، 15 އަހަރުން ދަށުގެ ކުދިންތަކެއް ސްކޫލެއްގެ ލެބޯޓްރީން ކެމިކަލްތަކެއް ވަގަށް ނަގައިގެން ގޮވާ އެއްޗެއް ތައްޔާރުކުރަން އުޅޭ ކަމުގެ މައުލޫމާތު ލިބިފައިވާ ކަމަށެވެ. މި މައުލޫމާތު ލިބުމާ ގުޅިގެން ބައެއް ތަންތަން ބަލާ ފާސްކުރުމުގެ އޮޕަރޭޝަނެއް މިހާރު ކުރިއަށް ގެންދާ ކަމަށް ފުލުހުން މައުލޫމާތު ދެއެވެ.
މި މައްސަލައާ ގުޅިގެން އެއްވެސް ކުއްޖެއް އަދި އެއްވެސް މީހަކު ހައްޔަރުކޮށްފައި ނުވާ ކަމަށް ފުލުހުން ބުނެއެވެ. ވަގަށް ނަގާފައިވާ ކެމިކަލްތައް މިހާރު ވަނީ ފުލުހުންގެ ބެލުމުގެ ދަށާށް ގެނެސްފައި ކަމަށް ފުލުހުން މައުލޫމާތު ދެއެވެ.
ފުލުހުން ބުނާ ގޮތުގައި މިހާރު މި މައްސަލަ ދަނީ އިތުރަށް ތަހުގީގު ކުރަމުންނެވެ.
