ސައިރިކްސް ކޮލެޖުގެ ފަރާތުން ސ.ހުޅުދޫ ބައެއް ގޭގެއަށް ކޮމްޕިއުޓަރު ހަދިޔާކޮށްފިއެވެ.
ހުޅުދޫ އަކީ ސައިރިކްސް ކޮލެޖުގެ ޗެއާމަން އަހުމަދު ޝަރީފްގެ އުފަން ރަށެވެ. އޭނާގެ އުފަން ރަށުގެ ބައެއް ގޭގެއަށް އޭނާ ކޮމްޕިއުޓަރު ހަދިޔާ ކުރައްވައިފައި ވަނީ އެކަމަށް އެންމެ ބޮޑަށް ބޭނުންވާ އާއިލާތައް ބެލުމަށް ފަހުއެވެ.
68 ކޮމްޕިއުޓަރު ރަށުގެ އެކި އާއިލާތަކަށް ހަދިޔާ ކުރިއިރު، އެކަމަށް އެންމެ ބޮޑަށް ބޭނުންވާ އާއިލާތައް ކަނޑައެޅީ އެ ރަށު ޖަމިއްޔާތަކާ ގުޅިގެން ކަމަށް ޝަރީފް ވިދާޅުވެއެވެ. އެގޮތުން، އެކަނިވެރި މައިން ތިބި އާއިލާ އަދި ގިނަ ކުދިން ތިބި އާއިލާތަކަށް އިސްކަމެއް ދީފައިވާ ކަމަށް އޭނާ ވިދާޅުވެއެވެ.
ހުޅުދޫ ގޭގެއަށް ކޮމްޕިއުޓަރު ހަދިޔާ ކޮށްފައި ވާއިރު، ޝަރީފް ވިދާޅުވީ، ދާދި އަވަހަށް މިފަދަ ހަދިޔާއެއް ރަށު ރައްޔިތުންނަށް ދެއްވުމަށް ނިންމަވާފައިވާ ކަމަށެވެ. އަދި ކޮމްޕިއުޓަރު ބޭނުން ކުރަން ދަސްކޮށްދޭ ކޯހެއް ވެސް އެރަށުގައި ބޭއްވުމުގެ ވިސްނުން ޝަރީފް ގެންގުޅުއްވައެވެ. އޭނާ ވިދާޅުވީ، މި ކޯސް ބާއްވާނީ އެއްވެސް ފީ އަކައި ނުލާ މުޅިން ހިލޭ ކަމަށެވެ.
ޝަރީފް ހުޅުދުއަށް ކުރައްވާ މި ދަތުރަކީ، ސައިރިކްސް ކޮލެޖުގެ އިޖުތިމާއީ ޒިންމާގެ ދަށުން ހިންގާ ޝްރިމްޕް (ޑިނގާ) ފާމު ހެދުމަށް ބޭނުންވާ ދިރާސާތައް ކުރުމަށް އައި ގްރޫޕާ އެކު ކުރައްވާ ދަތުރެކެވެ.
