ޖަނަވަރީ މަގުގައި ކާރަކާއި ސައިކަލެއް ޖެހި މިރޭ އެކްސިޑެންޓެއް ހިނގައިފިއެވެ.
ފުލުހުންގެ މީޑިއާ އޮފިޝަލު މައުލޫމާތުދޭ ގޮތުގައި މި އެކްސިޑެންޓް ހިނގާފައި ވަނީ މިރޭ 8:35 ހާއިރު ކަމަށެވެ. އެކްސިޑެންޓް ހިނގާފައި ވަނީ ބުރުޒު މަގުން އިރު ހުޅަނގަށް ދުއްވާފައި ދިޔަ ކާރަކާއި، ޖަނަވަރީ ހިނގުމުން ބުރުޒު މަގު ހުރަސްކުރި ސައިކަލަކާއި ޖެހިގެން ކަމަށް ފުލުހުން ބުނެއެވެ. މި އެކްސިޑެންޓްގައި އެއްވެސް މީހަކަށް އަނިޔާވެފައި ނުވާ ކަމަށް ފުލުހުން މައުލޫމާތު ދެއެވެ.
މި އެކްސިޑެންޓުގައި ސައިކަލް ދުއްވަން އިން މީހާއާއި ކާރު ދުއްވަން އިން މީހާ އަތުގައިވެސް ލައިސަންސް އޮތް ކަމަށް ފުލުހުން ބުނެއެވެ. މި މައްސަލަ ފުލުހުން ދަނީ އިތުރަށް ތަހުގީގު ކުރަމުން ނެވެ.
މަލޭގައި ހިނގަމުންދާ މިފަދަ އެކްސިޑެންޓްތައް ގިނަވަމުން އަންނަ ކަން ފާހަގަކޮށްލެވެއެވެ. މިފަދަ ހާދިސާތައް މަދުކޮށް މަގުތައް ރައްކާތެރި ތަނެއްގެ ގޮތުގައި ބެލެހެއްޓުމަށް ފުލުހުން ދަނީ މަސައްކަތް ކުރަމުންނެވެ.
