މާފަންނުގައި ހުރި ގެއެއްގެ ދެވަނަ ފަންގިފިލާގެ ޑެކް ފީވެގެން މީހަކާ އެއްކޮށް އެ ޑެކު ވެއްޓިއްޖެއެވެ. މި ޑެކު ވެއްޓުނީ ފުރަތަމަ ފަންގިފިލާ އަށެވެ.
މި ހާދިސާ ފުލުހުންނަށް ރިޕޯޓް ކޮށްފައި ވަނީ މިއަދު 12:15 ހާއިރެވެ. މި ހާދިސާގައި އަނިޔާ ލިބުނު މީހާއަށް ބޮޑު އަނިޔާއެއް ލިބިފައިނުވި ނަމަވެސް، ގައިގެ އެކި ތަންތަނުން ހަން މަށައިގެން ގޮސްފައި ވާކަމަށް ފުލުހުން ބުނެއެވެ. އަދި މިކަމާ ގުޅޭ މައުލޫމާތު މާލެ ސިޓީ ކައުންސިލާއި ވެސް ހިއްސާ ކޮށްފައިވާ ކަމަށް ފުލުހުން ބުނެއެވެ.
މި މައްސަލަ ފުލުހުން ދަނީ ތަހުގީގު ކުރަމުންނެވެ. ދާދިފަހުންވެސް މާލޭގެ ގެއެއްގެ ބެލްކަނި ވެއްޓިގެން މަގުމަތިން ހިނގާފައި ދިޔަ ބަޔަކަށް ވަނީ އެކިވަރުގެ އަނިޔާތައް ލިބިފައެވެ.
