ދީދީގެ ތަހުގީގު: ޖަވާބުދާރީވާން 5 ދުވަހުގެ މުއްދަތެއް ދީފި

ފަސް ދުވަހުގެ ތެރޭގައި ލިޔުމުން ޖަވާބުދާރީވުމުން، އެ ޖަވާބަށް ބެއްލެވުމަށްފަހު އަޅުގަނޑުމެން ކޮމިޓީން ނިންމާނަން، އިތުރު އަޑުއެހުމެއް ބާއްވާނެތޯ، ނުވަތަ ރިޕޯޓް އެކުލަވާލާނީތޯ. ރިޕޯޓް އެކުލަވާލައިފި ނަމަ، ދެން 30 ދުވަހުގެ ފަހުން މި މައްސަލައިގެ ކުރިއަށްދާނީ.

ފަސް ދުވަސް ފަހުން، އެ ލިޔުމަށް ރިއާޔަތްކޮށް އަޑުއެހުމަށް ބާއްވަން ކޮމިޓީއަށް ފެނިއްޖެއްޔާ އެކަން ކުރާނަން. 

ފަސް ދުވަހުގެ މުއްދަތެއް ދެއްވާނަން، މި ފަސް ދުވަހުގެ ތެރޭގައި ލިޔުމުން އެކަމަށް ހުށަހަޅުއްވާ. އަދި އޭގެ ފަހުން 30 ދުވަހުގެ ފުރުސަތެއް ލިބިވަޑައިގަންނަވާނެ. 

އަޅުގަނޑުމެންނަށް 1 ދުވަހުގެ ފުރުސަތެއް ދެއްވާ. 

ތިބޭފުޅުން ޑޮކިއުމެންޓް ދެއްވީ މިތަނަށް ވަޑައިގެންނެވި ފަހުން. އެ ދިރާސާ ކުރުމަކީ ވަކީލުންގެ ޒިންމާއެއް. 20 މިނިޓް ތެރޭގައި އެއަށް ޖަވާބުދާރީ ވުމަށް މަސައްކަތް ނުކުރެވޭނެ. 

މައްސަލައިން ދިފާއުވުމުގެ ފުރުސަތު އަޅުގަނޑަށް ދެއްވަން މި އެދިވަޑައިގަންނަވަނީ. 

އަޅުގަނޑަކީ އިންސާނެއް. އަޅުގަނޑަށް ދިފާއުވުމުގެ ފުރުސަތު ދެއްވަންޖެހޭނެ.

10 ޖޫން އާ ހަމައަށް އަޅުގަނޑުގެ މައްސަލައެއް ހުށަހެޅިފައި ނުވޭ. 12 ޖޫންގައި ލިބުނު ސިޓީއަކީ އެމްއެމްޕީއާރުސީގެ މައްސަލައެއް ތަހުގީގުކުރަމުންދަނިކޮށް ލިބުނު ލިޔުންތަކަކީ. އެ ލިޔުން ލިބުނު ދުވަހާ ހަމައަށް އަޅުގަނޑުގެ މައްސަލައެއް ނޫން. 

ކުރިން ދިން ސިޓީގައި ދީދީގެ ތަހުގީގެއް ނުހިނގާކަމަށް ބުނުމަކީ އޭގެ ފަހުގެ ތާރީހެއްގައި ތަހުގީގު ނުހިންގަވާ ކަމެއް ނޫން. ސުލޫކީ ގޮތުން މައްސަލަ ހުރެގެން ސުވާލު މިކުރަނީ.

ފަނޑިޔާރު ދީދީ ގެންގުޅުއްވާ 777 ގެ ނަންބަރަކީ ފުލުހުން ތަހުގީގު ކުރަމުންދާ މައްސަލައިގައި މުއާމަލާތްކުރާ 777 ގެ ނަންބަރު ކަމަށް ރިއްފަތު ވިދާޅުވެއްޖެ. 

ސިޔާސީ އެއްވެސް ފަރާތެއްގެ އަތުން ފައިސާ ހޯދަން އެދިފައިވާނެތޯ؟

މި ސުވާލު ކުުރުމުގެ ކުރިން 777 ގެ ނަންބަރުން އައި މެސެޖްތައް ރިފްއަތު ވިދާޅުވި. 

- "ބްރޯ، އަޅުގަނޑު ފުރަން މިއުޅެނީ، ޑޮލަރުކޮޅެއް ބޭނުން"

- "ވެން"

- "މަންޑޭ"

ޖޭއެސްސީގެ މެންބަރުން މި މައްސަލައިގައި މަސްލަހަތު ފުށުއަރާ ކަމަށް ދީދީގެ ވަކީލުން ވިދާޅުވުމުން އެކަން އެހެން ނުވާކަމަށް ކޮމިޓީން ނިންމާ އެކަން ސާފުކޮށްދީފި

އަޅުގަނޑުމެން ބަލަމުން މިދަނީ ފުލުހުން ތަހުގީގު ކުރަމުންދާ މައްސަލައެއް. އެއީ އެމްއެމްޕީއާރުސީގެ ހިޔާނާތުގެ ފައިސާ ނެންގެވި ކަމުގެ ތުހުމަތު

ދީދީގެ ވަކީލުން ދަނީ ތަހުގީގުކުރަމުންދާ ގޮތާ މެދު ހިތްހަމަ ޖެހިވަޑައި ނުގެން އެކަމާ އަޑުގަދަކުރައްވަމުން.

ޖަމީލު: ޖޭއެސްސީގެ މަސްލަހަތު ހިމެނޭ

ރޭނިސް ސަލީމް: ވަގުތުން ވަގުތަށް ތިބޭފުޅުން އިސްތިއުފާ ދެއްވާ

"ބްރަދާ ކަމަކު އެދުނީމާ ކޮށްދެއްވާ ކަމަށާއި އެކަމަކު އޭނާ ކަމަކު އެދިވަޑައިގަތީމާ ޖަވާބު ނުދެއްވާ ކަމަށް. އެގޮތަށް އޭނާ ވިދާޅުވަމުން "ސަސްޕެކްޓް 1" ގެ ކައިރިން އެދެނީ މެލޭޝިއާގައި ހުންނަ ޑެޕިއުޓީ އެމްބެސެޑަރުގެ މަގާމަށް އޭނާގެ އަނބިކަނބަލުން ޣާނިޔާ އަބްދުލް ގަފޫރު ހަމައްޖައްސައިދޭން. އެކަމަކު އެ މެސެޖްގައި ޣާނިިޔާގެ ނަން ގެންނަވާފައެއް ނުވޭ"

ޑޮކިއުމެންޓްގައިވާ ތިން ހަތެއްގެ ނަންބަރަކީ ދީދީގެ ނަންބަރުކަމަށް އަޅުގަނޑުމެން މި ނިންމީ: ރިޔާަސަތު

ކިހިނެއްތޯ އެގޮތަށް ނިންމޭނީ އެއީ އަޅުގަނޑުގެ ނަންބަރު ކަމަށް: ދީދީ

ރިޔާސަތު: އެ ޑޮކިއުމެންޓްގައި ވަނީ ޝަކުވާ ރައްދުވާ ފަރާތުގެ ފޯނު ނަންބަރުތޯ؟ 

ފަނޑިޔާރު: އަޅުގަނޑު އަތުގައި ތިން ހަތެއްގެ ނަންބަރެއް އޮންނާނެ. ތި ސުވާލެއް ސާފެއް ނުވޭ. 

ފަނޑިޔާރުކަމުގައި ހުރެގެން ރިޝްވަތުގެ އެއްވެސް އަމަލެއް ހިންގާފައި ނުވާނެ. މަގާމުގެ ނުފޫޒު ބޭނުންކޮށްގެން އެއްވެސް ކަމެއް ހިނގާފައި ނުވާނެ. 

ފަނޑިޔާރު އެއްވެސް ކަމެއްގައި ރިޝްވަތު ނަގާފައިވާނެތޯ؟ ޑޮކިއުމެންޓް 1 އަދި 4 ގައި.

ޑޮކިއުމެންޓް 1 ގައި ވަނީ - ފުލުހުންގެ ތަހުގީގަށް އެއްކުރި މައުލޫމާތުގައި ސަސްޕެކްޓް 1 އަދި ވިޓްނަސް 3 ދެމެދު ހިނގި މުއާމަލާތް. ފުލުހުން ބުނެެފައިވަނީ އެއީ ދީދީގެ ނަންބަރު ކަމަށް.

އެ ވިދާޅުވާ މެސެޖު އައި ކިހިނެތްކަން ވެސް ނޭނގޭ. އެ ކަންކަމަށް ފުރުސަތު ދެއްވަން ޖެހޭނެ.

ރިލްވާންގެ މައްސަލާގައި ތުހުމަތު ކުރެވޭ ފަރާތްތައް ބަންދުން ދޫކޮށްލި މައްސަލާގައި ވަކި ފަރާތަކަށް ބުރަވެގެން ނޫންތޯ އެ މައްސަލާގައި ގޮތެއް ނިންމީ؟ 

ދީދީގެ ސަމާލުކަމަށްޓަކައި ދަންނަވާލަން. މި ވާހަކަ ދައްކަނީ ސުލޫކީ މައްސަލައަކަށް. ވާހަކަތައް މިދެކެވެނީ ފުލުހުން ފޮނުވި ޑޮކިއުމެންޓްތަކަކަށް. މި ސުވާލުތަކަކީ ފަނޑިޔާރުގެ ސުލޫކީ މައްސަލައެއް އޮތްތޯ ނުވަތަ ނޫންތޯ ބެލުން. ތަކުރާރުކޮށް އެދެން ފެންނަ ޖަވާބެއް ދެއްވަން.

ތަހުގީގަށް ހުރަސް އަޅަން މަސައްކަތް ނުކުރައްވަން. ތި ކުރައްވާ ސުވާލާ ގުޅޭގޮތުން ދެންނެވޭނީ، ފުލުހުން އެބައޮތް އަޅުގަނޑަށް އެބައޮތް ލިޔުން ދެއްވާފައި އަޅުގަނޑުގެ އެއްވެސް މައްސަލައެއް ބަލަމުން ނުދާކަމަށް. އޭގެ ދެ ދުވަސް ފަހުން އަޅުގަނޑާ ގޮތުން ލިބުނު ލިޔުން ހޯއްދެވި ގޮތެއް ދަންނަވާ. 

މިއާއެކު ދީފައިވާ ޑޮކިއުމެންޓްތައް ވަގުތު ލިބިގެން އަދި އެއީ ގާނޫނާ އެއްގޮތަށް ހޯދާފައިވާ ހެކިތަކެއްތޯ ނުވަތަ ނޫންތޯ ބަލަންޖެހޭ. 

މިކަންކަމަށް އަޅުގަނޑަށް ފުރުސަތު ދޭންޖެހޭ.

ވަކީލް ޖަމީލް ތި ދައްކަވާ ވާހަކައަކީ މިކަމާ ގުޅޭ ވާހަކައެއް ނޫން. ތިގޮތަށް އަމަލުކުރާނަމަ އެއީ ތަހުގީގަށް ހުރަސް އެޅުން.

މިހާރު މި ހިނގާ މައްސަލައަކީ ސަސްޕެންޑް ކޮށްފަ ކުރިއަށް ގެންދާ މައްސަލައެއް. އޭގައި ފުރަތަމަ ބުނެފައިވަނީ ނަޝީދު ހުށަހެޅުއްވި މައްސަލަ. 

މިތަނުގައި ހިނގަމުންދަނީ އެމްއެމްޕީއާރުސީގެ ކޮރަޕްޝަންގެ މައްސަލައިގައި ލިބިފައިވާ މައުލޫމާތަށް ބިނާކޮށް، ބަލަމުންދާ މައްސަލައެއް. 

ނަޝީދު ހުށަހެޅުއްވި ސިޓީގައި ބުނާ މައްސަލައަކީ މުޅިން އެހެން މައްސަލައެއް.

ދިފާއީ ގޮތުން ލިބެންޖެހޭ ރައްކާތެރިކަން ލިބެންޖެހޭ. ހުށަހެޅުއްވި ޑޮކިއުމެންޓް ތަކާއި ސަސްޕެންޝަނާއި ގުޅިފައި މިވަނީ.

ނަޝީދު ހުށަހެޅުއްވި މި ތަހުގީގާއި ގުޅޭ ސިޓީއެއް ނޫން.

ނަޝީދު ޖޭއެސްސީއަށް 2 ޖޫންގައި ފޮނުވި ސިޓީފުޅު ބޭނުންވޭ. އޭގައި ހުރި ވާހަކަތައް ބަލަން ބޭނުންވޭ. 

ތަހުގީގު އެހެން ދުވަހަކަށް ފަސްކުރުމަށް އެދެން

އަޅުގަނޑު 1994 ފެށިގެން މި އަންނަނީ ފަނޑިޔާރުކަން ކުރަމުން. ވަކިކުރިކަމެއް ނޭނގޭ. ކުރިން އަޅުގަނޑަށް ނޭނގޭ ނަމަވެސް މީޑިއާއަށް އެމައުލޫމާތު ދީފައިވޭ.

މިދިޔަ 5 އަހަރުގައި ފަނޑިޔާރެއްގެ ގޮތުގައި ހުންނެވިންތޯ؟

ތަހުގީގު ހުއްޓުވާކަން ނޫޅެން. 

އަޑުއަހަން ތިބި މީހުންގެ ތެރޭގައި އަޑުގަދަކޮށް ހަމަނުޖެހުން ހިންގަން ފެށުމުން ބައެއް ފަރާތްތައް ބޭރުކޮށްލައިފި

ތަހުގީގު ފެށުމުގެ ކުރިން ފުރިހަމަ ކުރަންޖެހޭ އަސާސްތަކެއް އެބަހުރި. 

މައްސަލަ ކުރިއަށް ގެންދަވަނީ ޖޭއެސްސީގެ ގާނޫނާ ހިލާފަށް

މައްސަލަ ރައްދުވާ ފަރާތަށް ލިޔުންތައް ލިބިފައިވާކަމަށް ގަބޫލުކުރަން

ޑޮކިއުމެންޓް 5 ގައިވާނީ ކްރިމިނަލް ކޯޓުގެ އަމުރެއް. 

މިއީ މާ ގިނަ ވާހަކަ ލިޔެފައިވާ ލިޔެކިޔުންތަކެއް ނޫން. އެކަށީގެންވާ ވަގުތުން މި ލިޔެކިޔުންތައް ބަލަން ދެވިއްޖެ. މި މައްސަލައިގައި ޖަވާބުދާރީވާން 30 ދުވަސް ދެވޭނެ. ގާނޫނުން ގަވާއިދުން ލިބޭ އެންމެހާ ފުރުސަތެއް ލިބޭނެ. 

ޑޮކިއުމެންޓް 4 ގައިވާ ލިޔުންކޮޅު ސާފު

ރޭނިސް ސަލީމަށް ޑޮކިއުމެންޓް 4 ގައިވާ އެއްޗެއް ސާފުވެވަޑައިނުގަތުމުން، މައްސަލަ ރައްދުވާ ފަރާތުގެ އެހެން ވަކީލަކު އެ ބަލައި ދިނުމަށް ރިފްއަތު އެދިވަޑައިގެންފި.

ސުލޫކީ މައްސަލަ މައިގަނޑު ބިނާ ކުރަނީ 5 ކަމަކަށް

ޑޮކިއުމެންޓް 1 ވާނީ މައްސަލަ ރައްދުވާ ފަރާތަށް ދީފައި. އޭގައި ވާނީ ހަމައެކަނި މެެދުގައި ލިޔެފައި އޮތް އެއްޗެއް. 

ޑޮކިއުމެންޓް 2 ގައި ވާނީ ޗެޓްލޮގްތަކެއް.

ޑޮކިއުމެންޓް 3 ގައި ވާނީ އެ ކަރުދާހުގެ ވާތްފަރާތުގައި ހުރި ޗެޓް ލޮގް

ޑޮކިއުމެންޓް 4 ގައި ވާނީ އެއް ފޮޅުވަތުގެ މެސެޖެއް. "16 ސެޕްޓެމްޓަރު 2015، 3:10 - ޑީޑީއެންޑް މާނު 10 ޑޮލާސް އީޗް"

ޖޭއެސްސީގެ ގާނޫނުގެ 22 ވަނަ މާއްދާގެ (ށ) ގައި ވާގޮތުން މައްސަލަ ރައްދުވާ ފަރާތަށް މައުލޫމާތު ނޯޓިސްއެއްގެ ގޮތުގައި ވާނީ ދީފައި. މިހާރުވެސް ވާނެ 5 ސަފްހާ ހިމެނޭ ޑޮކިއުމެންޓެއް.

އަޅުގަނޑުމެންނަށް ދެންމެ ލިޔުން ލިބުނީ. އެހެންކަމުން ވަގުތު ލިބިގެން ޖަވާބުދާރީވެވޭނީ. ލިޔެކިޔުން ހޯދުމަށް 2 ސިޓީއެއް ހުށަހެޅުނު. އެ ލިޔެކިޔުންތައް މިހާތަނަށް ދެއްވާފައި ނުވޭ. 

ހުރިހާ އެއްބާރުލުމެއް ދެއްވާނަން. މި މައްސަލަތަކީ ކޮބައިކަން އަންގާފައި ނުވާކަން. ނަމަވެސް އެންގީ ސުލޫކީ މައްސަލައެއް ކަމަށް. ތަފްސީލެއް ނުދެއްވާ.

މިއީ ތަހުގީގެއް. މައުލޫމާތަށް ބިނާކޮށް ރިޕޯޓެއް އެކުަލަވާލާނެ. އަދި 30 ދުވަސް ޖަވާބުދާރީވާން ލިބޭނެ. މިއީ ސަސްޕެންޝަނާއި ގުޅިގެން ކުރިއަށް ގެންދާ ތަހުގީގެއް ނޫން. 

ފަޓާސް ބަރިއެއްހެން ޝަރީއަތް ކުރިއަސް ގެންގޮސްގެން ނުވާނެ