މަޝްހޫރު ފިލްމު ޑައިރެކްޓަރު އަމަޖަދު އިބްރާހީމް (އަމްޖޭ)ގެ ހާލު ދެރަވެ ހޮސްޕިޓަލުގައި ފަރުވާދޭން ފަށައިފިއެވެ.
މައުލޫމާތު ލިބިފައިވާ ގޮތުން އަމްޖޭއަށް ފަރުވާދެމުން ދަނީ ޓްރީޓޮޕް ހޮސްޕިޓަލްގެ ހިތުގެ ބަލިތަކަށް ފަރުވާދޭ ޔުނިޓްގައެވެ.
އަމްޖޭ ބަލިވެ އުޅޭތާ ދުވަސްތަކެއްވެފައިވާ އިރު، އޭނާގެ ހާލު ގޯސްވެ އެޑްމިޓްކުރީ ފުއްޕާމޭގައި ފެން ހެދިގެންނެވެ.
އަމްޖޭއަކީ މޮޅު ޑައިރެކްޓަރެއްގެ އިތުރުން ސްކްރީންޕްލޭ ލިޔެ މޮޅު ފިލްމުތަކެއް ސިނަމާއަށް ދޫކޮށްފައިވާ ފަރާތެކެވެ. އަމްޖޭގެ ފާހަގަކޮށްލެވޭ ފިލްމުތަކުގެ ތެރޭގައި އުދަބާނި، މިލަ ހަނދުވަރު އަދި ސަނދުރަވީރޭ ފަދަ ފިލްމުތައް ފާހަގަކޮށްލެވެއެވެ.
