ކައުންޓާ ނާކޮޓިކްސް އިންޓެލިޖެންސާ ޑްރަގް އެންފޯސްމަންޓް ގުޅިގެން މާލޭގައި ހިންގި މަސްތުވާތަކެތީގެ އޮޕަރޭޝަންތަކެއްގައި ކިލޯއަކަށްވުރެ ގިނަ މަސްތުވާތަކެއްޗާއެކު 8 މީހުން ހައްޔަރުކޮށްފިއެވެ.
ފުލުހުން ބުނީ މި ޑިސެންބަރު މަހުގެ 23 ވަނަ ދުވަހު ހިންގި މި އޮޕަރޭޝަންތަކުގައި މާލޭގެ 7 އެޕާޓްމަންޓް ބަލައިފާސްކޮށްފައިވާ ކަމަށެވެ.
މި އޮޕަރޭޝަންތަކުގައި ހައްޔަރުކޮށްފައިވަނީ
- އަހްމަދު ޒިޔާން (48އ)، މއ. ގުލްބަކާގެ / މާލެ،
- ޒުހުރާ އަބްދުއްލަތީފް (54އ) ހ. ބްލޫސްކޫޕް / މާލެ،
- އިސްމާއީލް އައިކް މުހައްމަދު (19އ) މ. ދޮއްތަޑަފިގެ / މާލެ،
- އިސްމާއީލް ރަޝީދު (53އ) ހ. ހުދުކެލާ / މާލެ،
- ހަސަން ހަލީމް (42އ) މ. ރަނިކަ / މާލެ،
- އާޝިޔާ ހަލީމް (51އ) މ. ރަނިކަ / މާލެ،
- އަލީ އީވާން (43އ) މއ. އައިރީ / މާލެ،
- އާއިޝަތު ނަޒުމާ (44އ) އެތުމާގެ / ގދ. ގައްދޫ،
ފުލުހުން ބުނީ މި އެންމެން ވެސް ހައްޔަރުކޮށްފައިވަނީ މަސްތުވާތަކެތި ބޭނުންކޮށް، އެ ތަކެތި ގެންގުޅެ ވިޔަފާރިކުރާކަމަށް ތުހުމަތުކުރެވޭ މައްސަލައާ ގުޅިގެން ކަމަށެވެ. މި މައްސަލައާ ގުޅިގެން ހައްޔަރުކުރި މީހުންގެ ބަންދާމެދު ގޮތެއް ނިންމުމަށް ކޯޓަށް ހާޒިރުކުރުމުން އިސްމާއީލް އައިކް މުހައްމަދު 5 ދުވަހަށް އަދި ދެންތިބި 7 މީހުން 15 ދުވަހަށް ބަންދުކުރުމަށް ވަނީ އަމުރުކޮށްފައެވެ.
މި މައްސަލަތައް ފުލުހުން ގެންދަނީ ތަހުގީގުކުރަމުންނެވެ.
