އެމްޕީއެލްއާ ދިމާލު ބޭރުން ކޮޅުވެއްޓިއެއް ބަންޑުން ޖަހާލި ހާދިސާގައި ޖުމްލަ 6 މީހަކަށް އަނިޔާވެފައިވާ އިރު އޭގެތެރެއިން ދިވެއްސެއްގެ ހާލު ސީރިއަސް ކަމަށް ފުލުހުން ބުނެފިއެވެ.
މާލެ އެމްޕީއެލްއާ ދިމާލު، ބޭރުގައި ކޮޅުވެއްޓިއެއް ބަންޑުން ޖަހާލާފައި ވަނީ މިއަދު މެންދުރު ފަހު 3:44 ހާއިރު އެވެ. މިހާދިސާގައި އަނިޔާވި މީހުންގެ ތެރޭގައި ހިމެނެނީ 2 ބިދޭސީންނާއި 4 ދިވެހިންނެވެ. އޭގެތެރެއިން އެއް ދިވެއްސެއްގެ ހާލު ސީރިއަސް ކަމަށް ފުލުހުން ބުނެއެވެ. އެއީ އުމުރުން 25 އަހަރުގެ ފިރިހެނެކެވެ.
މި ހާދިސާގައި ޖުމްލަ 6 މީހަކަށް އަނިޔާވެފައިވާއިރު އޭގެތެރެެއިން އެކަކު ވަނީ ނިޔާވެފައެވެ. އެއީ އުމުރުން 32 އަހަރުގެ މަސްއުދު ހުސައިން ކޔާ ބަންގްލޭޝްއަށް ނިސްބަތްވާ މީހެކެވެ.
އެ ކޮޅުވެއްޓި ބަންޑުން ޖަހާލި އިރު އޭގައި ތިބީ 14 މީހުންނެވެ. އެ އެންމެން ވެސް ވަނީ ސަލާމަތްކޮށްފައެވެ.
