ރައީސް އޮފީހުގެ އަންޑަ ސެކްރެޓެރީ ފޮ ސްޓްރެޓެޖިކް ކޮމިޔުނިކޭޝަން މަގާމުގައި ހުންނެވި އިޒްދިޔާން މުހައްމަދު މައުމޫން، އެ މަގާމުން މިއަދު ވަކިކުރައްވައިފިއެވެ.
ދެންމެ ރައީސް އޮފީހުގެ ސްޕޯކްސްޕާސަން ހީނާ ވަލީދު އެކްސްގައި ކުރެއްވި ޕޯސްޓެއްގައި ވިދާޅުވީ އިޒްދިޔާންގެ އިތުރުން ސެކްރެޓެރީ ފޮ ޑިޖިޓަލް ސްޓްރެޓެޖީގެ މަގާމުގައި ހުންނެވި ދާއޫދު އަހްމަދުވެސް މުސާރަ ނުލިބޭ ގޮތަށް މިއަދުން ފެށިގެން އެ މަގާމުން ސަސްޕެންޑް ކޮށްފައިވާ ކަމަށެވެ.
މީގެ އިތުރުން ހީނާ ވަލީދު ވިދާޅުވީ "ދިވެހި ޒުވާނުންގެ ގައުމީ ލަފާދޭ ކޮމިޓީ"ގެ ރައީސް ކަމުގެ މަގާމުންވެސް އިސްތިއުފާ ދިނުމަށް ދާއޫދު ހުށަހަޅާފައިވާތީ ރައީސުލްޖުމްހޫރިއްޔާ އެ ކޮމިޓީއިންވެސް އޭނާ ވަކިކޮށްފައިވާ ކަމަށެވެ.
