މެއިންޓެނެންސްގެ މަސައްކަތެއް ކުރާތީ މާދަމާ ބޭންކް އޮފް މޯލްޑިވްސް (ބީއެމްއެލް)ގެ ހިދުމަތްތަށް ބުރޫއަރާނެ ކަމަށް ބީއެމްއެލްއިން ބުނެފިއެވެ.
ބީއެމްއެލްއިން ބުނީ މެއިންޓެނެންސްގެ މަސައްކަތާ ގުޅިގެން މިރޭ ދަންވަރު 2:00އިން ފެށިގެން ހެނދުނު 8:00އާ ދެމެދު ކާޑު ހިދުމަތްތަކާއި އޭޓީއެމްތަކާއި ޕީއޯއެސް މެޝިންތަކާއި އަދި ޕޭމަންޓް ގޭޓްވޭގެ ހިދުމަތްތަށް ބުރޫ އަރާނެ ކަމަށެވެ.
މީގެ އިތުރުން މާދަމާ ހެނދުނު 6:00 އިން 10:00 އާ ދެމެދު 60 މިނެޓުގެ ވަގުތަކަށް އިންޓަނެޓް ބޭންކިން، މޮބައިލް އެޕް އަދި ފަވާރާ ހިދުމަތްތައް މެދުކެނޑޭނެ ކަމަށް ވެސް ބީއެމްއެލްއިން ވަނީ ބުނެފައެވެ.
ބީއެމްއެލްގެ ހިދުމަތައްތަކަށް ބުރޫ އެރުމުގެ ސަބަބުން ދިމާވެދާނެ ދަތިތަކަށް ބީއެމްއެލްއިން ވަނީ މާފަށް އެދިފައެވެ.
