2020 ވަނަ އަހަރު ކ. ކާށިދޫ ބާ ހުކުރު މިސްކިތުގެ ތެރެއިން ފެނުނު އާސާރީ ތަނެއްގެ ތަރަހަ ދިރާސާ ކުރުމުގެ މަސައްކަތް ފަށައިފިއެވެ.
މި މަސައްކަތް މި މަހުގެ 12 ވަނަ ދުވަހު ފެށިގެން ކުރިއަށްދާކަން ފާހަގަކޮށް ހެރިޓޭޖް މިނިސްޓްރީއިން ބުނީ އެ ސަރަހައްދު ދިރާސާ ކުރުމުގެ ފުރަތަމަ މަސައްކަތް އަންނަ ބުރާސްފަތި ދުވަހުގެ ނިޔަލަށް ކުރިޔަށްދާނެ ކަމަށެވެ.
ހެރިޓޭޖް މިނިސްޓްރީއިން މައުލޫމާތު ދެއްވާ ގޮތުގައި މިއީ ސަގާފީ ތަރިކަ ރައްކާތެރިކުރާ ގައުމީ މަރުކަޒު ޔުނިވާސިޓީ އޮފް އީސްޓް އެންގްލިއާ، ދިވެހިބަހުގެ އެކެޑަމީ އަދި މެރިޓައިމް އޭޝިޔާ ހެރިޓޭޖް ސާވޭ ގުޅިގެންކުރެވޭ މަސައްކަތެކެވެ.
މި ޕްރޮގްރާމުގައި ބައިވެރިވާނީ:
- ތަރިކަ ރައްކާތެރިކުރާ ގައުމީ މަރުކަޒުގެ މުވައްޒަފުން
- ދިވެހިބަހުގެ އެކަޑަމީގެ މުވައްޒަފުންން
- މެރިޓައިމް އޭޝިއާ ހެރިޓޭޖް ސާވޭގެ ޓީމް
- ޔުނިވާސިޓީ އޮފް އީސްޓް އެންގްލިއާއިން މާސްޓާސް އިން ދަ އާޓްސް އޮފް އެފްރިކާ، އޯޝަނިއާ އެންޑް ދަ އެމެރިކާސް ވިތު ސެއިންސްބަރީ ރިސާޗް ޔުނިޓް ކިޔަވަމުންގެންދާ ދިވެހި 2 ދަރިވަރުން
ހެރިޓޭޖް މިނިސްޓްރީއިން ބުނީ 2 ހަފުތާގެ ދިރާސީ މި މަސައްކަތުގެ ތެރޭގައި ފަންނީގޮތުން ބިމުގެ އަޑީގައި ހުންނަ އާސާރީ ތަކެއްޗާމެދު އަމަލުކުރަންވީ ގޮތާއި އެކަމުގެ އަސާސީ މިންގަނޑުތައް ބައިވެރީންނަށް ހިއްސާކުރެވޭނެ ކަމަށެވެ.
