ސްރީލަންކާގެ ކުރީގެ ރައީސް ރަނިލް ވިކްރަމަސިންހައާ، ކުރީގެ ރައީސް އިބްރާހިމް މުހައްމަދު ސޯލިހް ބައްދަލު މިއަދު ކުރައްވައިފިއެވެ.
މި ބައްދަލުވުން ކުރިއަށް ގެންގޮސްފައި ވަނީ ކޮލަމްބޯގައި މިއަދު މެންދުރު ފަހުގެ ވަގުތެއްގައެވެ.
ރައީސް ސޯލިހް ވިދާޅުވީ، ރަނިލް ވިކްރަމަސިންހައާ ބައްދަލު ކުރެއްވުމަކީ ލިބުނު ވަރަށް ބޮޑު އުފަލެއް ކަމަށެވެ. މި ބައްދަލު ކުރެއްވުމުގައި ވަރަށް އުފާވެރި ހިތްހަމަޖެހިވަޑައިގަނަވާ މައުލޫ ތަކަކަށް ވާހަފުޅު ދެއްކެވުނު ކަމަށް ރައީސް ސޯލިހް ވިދާޅުވިއެވެ.
އެގޮތުން ސިޔާސީ ކަން ކަމާއި، ރާއްޖެ އާއި ސްރީލަންކާއާ ދެމެދުގައި އޮތް ގާތް ގުޅުމާއި، އިންޑިޔާ ކަނޑުގެ ސަރަހައްދުގެ އަމަންއަމާންކަމާއި އަމާންކަން ދެމެހެއްޓުމުގެ މުހިންމުކަމުގެ މައްޗަށް މި ބައްދަލު ކުރެއްވުމުގައި މަޝްވަރާ ކުރެއްވި ކަމަށް ރައީސް ސޯލިހް ވިދާޅުވިއެވެ.
