ކުރިއަށް އޮތް ފަސް ވަރަކަށް ދުވަހު މޫސުން ގޯސްވާނެ ކަމަށް މެޓް އޮފީހުން އިންޒާރު ދިނުމާއެކު މާލޭ ސިޓީ ކައުންސިލުން ދުރާލާ އެކަމަށް ތައްޔާރުވެއްޖެއެވެ.
ނެޝަނަލް ޑިޒާސްޓާ މެނޭޖްމަންޓް ސެންޓަރު (އެންޑީއެމްއޭ) އިން ބުނީ، ރާއްޖޭގެ ބައެއް ސަރަހައްދުތަކަށް މިއަދުން ފެށިގެން ބޯކޮށް ވާރޭ ވެހި ފެންބޮޑުވެދާނެކަމަށް މޫސުމާ ބެހޭ ގައުމީ އިދާރާއިން ލަފާކޮށްފައިވާތީ، ރެއިން ފެށިގެން މާލޭގައި އާންމުކޮށް ފެންވަދެ ގެއްލުވާކަމަށް ފާހަގަ ކުރެވޭ 56 އަށް ވުރެ ގިނަ ގެގޭގައި މާލޭ ސިޓީ ކައުންސިލުން ވެލި ބަސްތާ ޖަހަން ފަށާފައިވާ ކަމަށެވެ.
އަދި މީގެ އިތުރު އެހެން ތަންތަނުގައި މިއަދު ވެސް ވެލި ބަސްތާ ޖެހުމުގެ މަސައްކަތް ކުރަމުންދާ ކަމަށް އެ އޮތޯރިޓީން ވަނީ ފާހަގަކޮށްފައެވެ.
ކުރިއަށް އޮތް ދުވަސްތަކަކީ ވިއްސާރަ ދުވަސްތަކެއް ކަމުން އެކަމަށް ދުރާލާ ތައްޔާރުވުމަށް މާލެ ސިޓީ ކައުންސިލުން ރޭ ވަނީ ހާއްސަ ކޮމިޓީއެއްވެސް އުފައްދާފައެވެ. ރާއްޖޭގެ ސަރަހައްދުގައި ބޯ ވިއްސާރަ ވިލާ އުފެދުމުގެ ފުރުސަތު ބޮޑުވާނެ ކަމަށް މެޓިން ލަފާކޮށްފައި ވަނީ ރާއްޖޭގެ އިރުން ހުޅަނގުދެކުނު ބޭ އޮފް ބެންގާލްގައި ކޮޅިގަނޑެއް އުފެދި، އެ ކޮޅިގަނޑުގެ ސަބަބުން ކަމަށެވެ.
އެހެން ކަމުން މިއަދުން ފެށިގެން އަންނަ ހޮނިހިރު ދުވަހާ ހަމައަށް މެޓް އޮފީހުން ވަނީ ރާއްޖޭގެ އެކި ސަރަހައްދު ތަކަށް ބޯކޮށް ވިއްސާރަވެހޭނެ ކަމަށް ލަފާކޮށް ދުރާލާ އެކަމަށް ތައްޔާރުވުމަށް އިލްތިމާސްކޮށްފައެވެ.
އަހަރުގެ ފުރަތަމަ ހަފްތާވެސް ވަނީ މާލެއަށް ވަނީ ވަރަށް ބޮޑަށް ވިއްސާރަކޮށް ގިނަ އަދަދެއްގެ ގެތަކަށް ފެންވަދެ ހިފާ ގެހްގުޅޭ ތަކެއްޗަށް ގެއްލުން ވެފައެވެ. އެއާއެކު ހާލުގައި ޖެހުނު ގިނަ ބަޔަކަށް އެންޑީއެމް އިން ވަނީ އެހީވެސް ފޯރުކޮށްދީފައއެވެ.
