ބޮލީވުޑްގެ މަޝްހޫރު އޮން ސްކްރީން ޖޯޑު ޝްރައްދާ ކަޕޫރާއި އަދިތްޔާ ރޯއީ ކަޕޫރު އަނެއްކާވެސް ފިލްމަކުން ފެންނަން އުޅޭކަމަށް ބޭރުގެ ހަބަރުތައް ބުނެފިއެވެ.
2013 ވަނަ އަހަރު ނެރުނު ހިޓު ފިލްމު "އާޝިގީ 2" އިން ބެލުންތެރިންގެ މެދުގައި ބޮޑު މަގްބޫލުކަމެއް ހޯދައިފައިވާ ދެތަރިން ފެންނަން އުޅެނީ މޯހިތު ސޫރީގެ ފިލްމަކުން ކަމަށްވެސް ރިޕޯޓްތައް ބުނެއެވެ. ހަގީގީ ދިރިއުޅުމުގައިވެސް މީގެ ކުރިން ލޯބީގެ ގޮތުން ގުޅުނު ޝްރައްދާ އާއި އަދިއްޔާ އެކުގައި ކުޅޭ ތިން ވަނަ ފިލްމަކީވެސް ލޯބީގެ ފިލްމެކެވެ. އާޝިގީ 2 އަކީ ވެސް މޯހިތުގެ ފިލްމެކެވެ. ދެތަރިން އެކުގައި ސްކްރީނުން ފެންނަން އުޅޭ ކަމަށް ނޫސްތަކުން ބުނުމާއެކު އެ މީހުންނަށް ތާއީދުކުރާ މީހުން އަންނަނީ އުފާފާޅުކުރަމުންނެވެ. ފިލްމުގެ ސްކްރީންޕްލޭގެ މަސައްކަތް މިހާރު ކުރަމުން އަންނައިރު އަވަސް މުސްތަގްބަލެއްގައި ދެތަރިންނާއެކު ފިލްމު އިއުލާންކުރާނެ ކަމަށް ރިޕޯޓްތައް ބުނެއެވެ.
އާޝިގީ 2 ގެ ސެޓުން ދެމީހުން ދިމާވެ ލޯބީގެ ގޮތުން ގުޅިގެން އުޅުނުއިރު ދެތަރިން ރުޅިވިއިރު އެކުގައި ކުޅެން ފިލްމަކަށް ވަނީ އޭރު ސޮއިކޮށްފައެވެ. 2017 ވަނަ އަހަރު ނެރުނު "އޯކޭ ޖާނޫ"ގައި ދެތަރިންވެސް އެކުގައި ހަރަކާތްތެރިވުމަށްފަހު ދެމީހުން އެކުގައި ކުޅޭނެ ތިން ވަނަ ފިލްމަކީ މި ފިލްމެވެ. މިދިޔަ އަހަރު ޕަޕަރާޒީންގެ ކެމެރާގެ ލެންސަށް އަދިތްޔާ އާއި ޝްރައްދާގެ ފޮޓޯއާއި ވީޑިއޯ އަރާފައިވުމާއެކު ގިނަ ފޭނުންނެއް އަންނަނީ ދެމީހުންގެ ފިލްމަކަށް އިންތިޒާރުކުރަމުންނެވެ.
