ބޮލީވުޑްގެ ކާމިޔާބު އެކްޓަރު ވަރުން ދަވަން އާއި ބަތަލާ ކްރިތީ ސެނަން އެކުގައި ފެނިގެންދިޔަ ފިލްމު "ބޭޅިޔާ" ގެ ދެވަނަ ބައި އަންނަ އަހަރު ދައްކާ ގޮތަށް ހަމަޖެހިއްޖެއެވެ.
އަންނަ އަހަރުގެ އޮގަސްޓް މަހުގެ 14 ވަނަ ދުވަހު ރިލީޒްކުރުމަށް ހަމަޖެހިފައިވާ މި ފިލްމުގެ ދެވަނަ ބައިން ވެސް ވަރުން ފެނިގެންދާނެއެވެ. މި ފިލްމަކީ ވެއާވުލްފް ތަކެއް އުޅޭ ހޮރޯ ކޮމެޑީއެކެވެ. ބެލުންތެރިންގެ ބޮޑު ތަރުހީބެއް ލިބުނު ފިލްމުގެ ފުރަތަމަ ބައި ގެނެސްދިނީ 2022 ގައެވެ. މި ފިލްމު ގިނަ މީހުން މީހުން ސިފަކޮށްފައިވަނީ ނެޓްފްލިކްސް ސީރީޒް "ޓީން ވުލްފް" ގެ ހިންދީ ވާޝަނަކާއި ކަމަށެވެ. އެއީ "ޓީން ވުލްފް" އަކީ ވެސް ވުލްފް އެއް ދަތްއެޅުމާއެކު އިންސާނުން ވުލްފް އަކަށް ބަދަލުވެ އިންސާނުން ޝިކާރަ ކުރާ މަންޒަރު ދައްކުވައިދޭ ސީރީޒަކަށްވުމުން ކަމަށެވެ. ފިލްމުގެ ފުރަތަމަ ބައިން ވެސް ފެނިގެންދަނީ ވުލްފް އެއް ވަރުންގެ ގައިގައި ދަތްއެޅުމުގެ ސަބަބުން އޭނާ ކޮންމެ ރެއަކު ވުލްފް އަކަށް ބަދަލުވެ ކަންތައް ކުރަމުންދާ ގޮތެވެ. އަދި އެކަން ހުއްޓުވުމަށް ވަރުން ކުރާ މަސައްކަތެވެ.
ފިލްމުގެ ލީޑު ރޯލުން ވަރުން ފެނިގެންދާނެ ކަން ކަށަވަރުވީ ނަމަވެސް ފިލްމުގައި ބަތަލާގެ ރޯލު ކުޅޭނީ ކޮން ތަރިއެއް ކަމެއް އަދި ހާމަކޮށްފައެއްނުވެއެވެ. އެކްޓަރު އެންމެ ފަހުން ފެނިގެންދިޔައީ ޖާންވީ ކަޕޫރުއާއެކު ލީޑު ރޯލުން ފެނިގެންދިޔަ "ބަވާލް" އިންނެވެ. 2012 ވަނަ އަހަރު ސްޓޫޑަންޓް އޮފް ދަ އިޔާ އިން ބޮލީވުޑަށް ތައާރަފްވި ވަރުން އަކީ އިންޑިއާގެ މަޝްހޫރު ޑައިރެކްޓަރު ޑޭވިޑް ދަވަންގެ ފިރިހެން ދަރިވެސްމެއެވެ.
