އިތުބާރު ހުރި މަގާމެއްގައި ހުރެ، ކުޑަކުއްޖަކާ ބެހުނު މީހަކު އުމުރަށް ޖަލަށްލުމަށް ކްރިމިނަލް ކޯޓުން ހުކުމް ކޮށްފިއެވެ.
މި މައްސަލައިގައި ނަސްރުﷲ ފާއިޒު ނަމަކަށް ކިޔާ މީހެއްގެ މައްޗަށް 3 ދައުވާއެއް ވަނީ އުފުލާފައެވެ.
އެ ދައުވާތަކަކީ:
- ދިވެހިރާއްޖޭގައި އޮރިޔާންކާޑު ގެންގުޅުން
- ޖިންސީ ނިޔަތެއް އޮވެގެން ކުޑަކުއްޖެއްގެ ހަށިގަނޑުގައި އަތްލުން
- ކުޑަކުއްޖަކު އިތުބާރުކުރަންޖެހޭ މަގާމެއްގައި ހުރި މީހަކު، އެ ކުޑަކުއްޖާއާއެކު ޖިންސީ އަމަލެއް ހިންގުން
ނަސްތުﷲ ފާއިޒުގެ މައްޗަށް ވަނީ ޖިންސީ ނިޔަތެއް އޮވެގެން ކުޑަކުއްޖެއްގެ ހަށިގަނޑުގައި އަތްލިކަން ސާބިތުވާތީ 10 އަހަރަށް ޖަލަށްލުމަށް ހުކުމްކޮށްފައެވެެ. އަދި ކުޑަކުއްޖަކު އިތުބާރުކުރަންޖެހޭ މަގާމެއްގައި ހުރި މީހަކު، އެ ކުޑަކުއްޖާއާއެކު ޖިންސީ އަމަލެއް ހިންގިކަން ސާބިތުވާތީ 15 އަހަރަށް ޖަލަށްލުމަށް ވެސް ކޯޓުން ވަނީ ހުކުމްކޮށްފައެވެ.
އޭނާގެ މައްޗަށް ކުރެވޭ އޮރިޔާންކާޑު ގެންގުޅުމުގެ ދައުވާ އެކަށީގެންވާ މިންވަރެއްގެ ޝައްކެއް ނެތި ޝަރީއަތަށް ސާބިތުނުވާ ކަމަށް ކްރިމިނަލް ކޯޓުގައި ހުކުމުގައިވެއެވެ.
